Innlent

54 greindust smitaðir í gær

Óttar Kolbeinsson Proppé skrifar
Sýnataka vegna Covid 19 hjá Heilsugæslunni á Höfuðborgarsvæðinu.
Sýnataka vegna Covid 19 hjá Heilsugæslunni á Höfuðborgarsvæðinu.

54 greindust smitaðir af kórónuveirunni innanlands á síðasta sólarhring. Af þeim voru 29 í sóttkví þegar þeir greindust smitaðir en 25 voru utan sóttkvíar.

Samkvæmt nýuppfærðum tölum á covid.is voru 20 þeirra sem greindust í gær fullbólusettir, einn var hálfbólusettur en hinir 33 óbólusettir.

Alls voru tekin 3.101 innanlandssýni í gær. Þar af voru 2.104 einkennasýni, 758 sýni í sóttkvíar- og handahófsskimun og 239 sýni sem Íslensk erfðagreining tók.

2.333 eru nú í sóttkví á landinu og 816 í einangrun.

Enginn á gjörgæslu

Samkvæmt tölum á covid.is eru nú 10 á Landspítalanum með Covid-19. Enginn er þá á gjörgæslu lengur eins og greint var frá í gær.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið