„Megum ekki dragast lengra aftur úr“ Sindri Sverrisson skrifar 8. júlí 2021 11:01 Það er mikið í húfi fyrir FH-inga og í raun íslenskan fótbolta í Kaplakrika í dag. vísir/hulda margrét „Þetta verða erfiðir leikir en möguleikarnir eru alveg til staðar,“ segir Matthías Vilhjálmsson, fyrirliði FH, fyrir einvígið við írska liðið Sligo Rovers sem hefst í Kaplakrika í dag. Hann segir alla sem koma að íslenskri knattspyrnu þurfa að spyrna við fótum eftir dapurt gengi félagsliða í Evrópukeppnum karla síðustu ár. FH og Sligo mætast klukkan 18 í fyrri leik sínum í fyrstu umferð undankeppni hinnar nýju Sambandsdeildar UEFA í fótbolta. Seinni leikurinn er á Írlandi eftir viku. Sigurliðið í einvíginu mætir Rosenborg í Noregi, liði sem Matthías gjörþekkir eftir að hafa orðið norskur meistari með því fjögur ár í röð fram til ársins 2019. Liðið sem stendur í veginum fyrir endurkomu Matthíasar á Lerkendal-leikvanginn er í harðri baráttu um írska meistaratitilinn. Deildarkeppnin á Írlandi er leikin um sumar líkt og sú íslenska, og er Sligo jafnt Shamrock Rovers á toppnum. „Þetta er svolítið „ó-breskt“ lið. Þeir eru mjög vel spilandi, með snögga sóknarmenn. Þau bresku lið sem ég hef mætt í gegnum tíðina hafa aftur á móti oftast verið mjög líkamlega sterk, góð í föstum leikatriðum og slíkt. Þetta lið virðist hins vegar aðeins öðruvísi. Gott fótboltalið,“ segir Matthías um Sligo Rovers. Feginn að fá loksins heila æfingaviku FH-ingar hafa ekki fagnað sigri í sjö leikjum í röð í Pepsi Max-deildinni og eru þar mikið nær botnsætinu en toppsætinu. Matthías er þakklátur fyrir að FH skuli nú hafa haft nokkra daga til að vinna í sínum málum: „Að sjálfsögðu tekur það á, eða ég vona það alla vega, að gengið síðustu vikur hefur alls ekki verið nógu gott. Ég verð að viðurkenna að það var mjög gott að fá heila æfingaviku núna, fram að leik, því það hefur verið ansi þétt spilað frá því eftir landsleikjapásuna í byrjun júní. Við höfum bara haft 3-4 daga á milli leikja í margar vikur og þurft að einbeita okkur að endurheimt og að vera klárir í næsta leik. Núna náðum við að vinna í hlutum sem við þurfum að laga og það fannst mér gott.“ Matthías Vilhjálmsson og félagar hafa ekki átt góðu gengi að fagna í sumar en hefja nú keppni í Sambandsdeildinni.vísir/bára Logi Ólafsson hætti sem þjálfari FH og er Ólafur Jóhannesson nú orðinn samstarfsmaður Davíðs Þórs Viðarssonar í brúnni. Þeir hafa stýrt FH saman í síðustu þremur leikjum: „Óli þekkir allt hérna í Krikanum, ég þekki hann vel og hann þekkir marga í liðinu. Hann er náttúrulega einn sigursælasti þjálfari í íslenskri knattspyrnu og það hefur verið rosalega gaman að fá hann inn. Hann hefur komið með sínar áherslur inn í þetta og mér líst mjög vel á hann,“ segir Matthías um áhrif Ólafs. „Allir sem koma að íslenskri knattspyrnu þurfa að líta í eigin barm“ FH-ingar eru enn fjær Evrópusæti í Pepsi Max-deildinni en ella vegna þess að í ár eru aðeins þrjú Evrópusæti í boði fyrir íslensk félagslið í stað fjögurra áður. Það er vegna lélegs árangurs íslenskra liða síðustu ár, en hvert jafntefli og hver sigur skilar liðunum og þar með Íslandi stigum í kladdann hjá UEFA, sem úthlutar Evrópusætum eftir því. „Allir sem koma að íslenskri knattspyrnu þurfa að líta í eigin barm. Við megum ekki dragast lengra aftur úr,“ segir Matthías. „Við sjáum að margar þjóðir eru að bæta sig og bæta, með hverju árinu, og þetta verður alltaf erfiðara og erfiðara. Allt landið þarf að bæta sig og ná betri úrslitum í Evrópu, en þar spila auðvitað margir þættir inn í. Við þurfum að æfa meira og betur, og öll umgjörð að vera „tip top“ því hún er nánast óaðfinnanleg í flestum þessara landa fyrir utan Ísland. Við þurfum að vera best í því sem er „ókeypis“, sem sagt hvernig við æfum og hversu mikið, og hvernig haldið er utan um þetta,“ segir hinn 34 ára gamli Matthías sem sneri heim í vetur eftir níu farsæl ár í atvinnumennsku. Sambandsdeild Evrópu FH Pepsi Max-deild karla Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Veðmál á leik á Íslandi vöktu miklar grunsemdir Íslenski boltinn Unglingur myrtur eftir deilu á frjálsíþróttamóti Sport Hvar er Davíð? „Fólk að henda dramatískum sögum í gang um illindi“ Körfubolti Konurnar þurfa að mæta Íslandi á leikvangi sem er ekki nógu góður fyrir karlana Fótbolti Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn „Skandall“ í gær en uppselt í dag Fótbolti „Fínt ef þetta fólk hefði haft samband við mig mánuðum áður“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Fleiri fréttir „Ef það er eitthvað lið sem getur veitt Breiðabliki og Víkingi keppni er það Valur“ Besta-spáin 2025: Siglt undir radarinn Veðmál á leik á Íslandi vöktu miklar grunsemdir Sölvi Geir ekki í miðvarðaleit „Skandall“ í gær en uppselt í dag Ljóst hver stýrir Sveindísi eftir landsleikina Ökklinn eins og IKEA húsgagn: „Boruðu gat í gegnum tvö bein“ Konurnar þurfa að mæta Íslandi á leikvangi sem er ekki nógu góður fyrir karlana Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Barcelona fagnaði sigri innan og utan vallar í vikunni Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Sjá meira
FH og Sligo mætast klukkan 18 í fyrri leik sínum í fyrstu umferð undankeppni hinnar nýju Sambandsdeildar UEFA í fótbolta. Seinni leikurinn er á Írlandi eftir viku. Sigurliðið í einvíginu mætir Rosenborg í Noregi, liði sem Matthías gjörþekkir eftir að hafa orðið norskur meistari með því fjögur ár í röð fram til ársins 2019. Liðið sem stendur í veginum fyrir endurkomu Matthíasar á Lerkendal-leikvanginn er í harðri baráttu um írska meistaratitilinn. Deildarkeppnin á Írlandi er leikin um sumar líkt og sú íslenska, og er Sligo jafnt Shamrock Rovers á toppnum. „Þetta er svolítið „ó-breskt“ lið. Þeir eru mjög vel spilandi, með snögga sóknarmenn. Þau bresku lið sem ég hef mætt í gegnum tíðina hafa aftur á móti oftast verið mjög líkamlega sterk, góð í föstum leikatriðum og slíkt. Þetta lið virðist hins vegar aðeins öðruvísi. Gott fótboltalið,“ segir Matthías um Sligo Rovers. Feginn að fá loksins heila æfingaviku FH-ingar hafa ekki fagnað sigri í sjö leikjum í röð í Pepsi Max-deildinni og eru þar mikið nær botnsætinu en toppsætinu. Matthías er þakklátur fyrir að FH skuli nú hafa haft nokkra daga til að vinna í sínum málum: „Að sjálfsögðu tekur það á, eða ég vona það alla vega, að gengið síðustu vikur hefur alls ekki verið nógu gott. Ég verð að viðurkenna að það var mjög gott að fá heila æfingaviku núna, fram að leik, því það hefur verið ansi þétt spilað frá því eftir landsleikjapásuna í byrjun júní. Við höfum bara haft 3-4 daga á milli leikja í margar vikur og þurft að einbeita okkur að endurheimt og að vera klárir í næsta leik. Núna náðum við að vinna í hlutum sem við þurfum að laga og það fannst mér gott.“ Matthías Vilhjálmsson og félagar hafa ekki átt góðu gengi að fagna í sumar en hefja nú keppni í Sambandsdeildinni.vísir/bára Logi Ólafsson hætti sem þjálfari FH og er Ólafur Jóhannesson nú orðinn samstarfsmaður Davíðs Þórs Viðarssonar í brúnni. Þeir hafa stýrt FH saman í síðustu þremur leikjum: „Óli þekkir allt hérna í Krikanum, ég þekki hann vel og hann þekkir marga í liðinu. Hann er náttúrulega einn sigursælasti þjálfari í íslenskri knattspyrnu og það hefur verið rosalega gaman að fá hann inn. Hann hefur komið með sínar áherslur inn í þetta og mér líst mjög vel á hann,“ segir Matthías um áhrif Ólafs. „Allir sem koma að íslenskri knattspyrnu þurfa að líta í eigin barm“ FH-ingar eru enn fjær Evrópusæti í Pepsi Max-deildinni en ella vegna þess að í ár eru aðeins þrjú Evrópusæti í boði fyrir íslensk félagslið í stað fjögurra áður. Það er vegna lélegs árangurs íslenskra liða síðustu ár, en hvert jafntefli og hver sigur skilar liðunum og þar með Íslandi stigum í kladdann hjá UEFA, sem úthlutar Evrópusætum eftir því. „Allir sem koma að íslenskri knattspyrnu þurfa að líta í eigin barm. Við megum ekki dragast lengra aftur úr,“ segir Matthías. „Við sjáum að margar þjóðir eru að bæta sig og bæta, með hverju árinu, og þetta verður alltaf erfiðara og erfiðara. Allt landið þarf að bæta sig og ná betri úrslitum í Evrópu, en þar spila auðvitað margir þættir inn í. Við þurfum að æfa meira og betur, og öll umgjörð að vera „tip top“ því hún er nánast óaðfinnanleg í flestum þessara landa fyrir utan Ísland. Við þurfum að vera best í því sem er „ókeypis“, sem sagt hvernig við æfum og hversu mikið, og hvernig haldið er utan um þetta,“ segir hinn 34 ára gamli Matthías sem sneri heim í vetur eftir níu farsæl ár í atvinnumennsku.
Sambandsdeild Evrópu FH Pepsi Max-deild karla Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Veðmál á leik á Íslandi vöktu miklar grunsemdir Íslenski boltinn Unglingur myrtur eftir deilu á frjálsíþróttamóti Sport Hvar er Davíð? „Fólk að henda dramatískum sögum í gang um illindi“ Körfubolti Konurnar þurfa að mæta Íslandi á leikvangi sem er ekki nógu góður fyrir karlana Fótbolti Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn „Skandall“ í gær en uppselt í dag Fótbolti „Fínt ef þetta fólk hefði haft samband við mig mánuðum áður“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Fleiri fréttir „Ef það er eitthvað lið sem getur veitt Breiðabliki og Víkingi keppni er það Valur“ Besta-spáin 2025: Siglt undir radarinn Veðmál á leik á Íslandi vöktu miklar grunsemdir Sölvi Geir ekki í miðvarðaleit „Skandall“ í gær en uppselt í dag Ljóst hver stýrir Sveindísi eftir landsleikina Ökklinn eins og IKEA húsgagn: „Boruðu gat í gegnum tvö bein“ Konurnar þurfa að mæta Íslandi á leikvangi sem er ekki nógu góður fyrir karlana Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Barcelona fagnaði sigri innan og utan vallar í vikunni Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Sjá meira