Hakimi genginn til liðs við PSG

PSG greiðir 60 milljónir evra fyrir Hakimi sem á 36 landsleiki fyrir landslið Morokkó. PSG gæti þó að auki þurft að greiða allt að 11 milljónir evra í árangurstengdar tekjur.

Hakimi ólst upp í akademíu Real Madrid, og spilaði níu leiki fyrir félagið áður en hann fór á láni til Borussia Dortmund í tvö ár. 

Hann gekk til liðs við Inter Milan á Ítalíu fyrir seinasta tímabil þar sem hann skoraði sjö mörk í 37 leikjum og hjálpaði liðinu að vinna ítölsku deildina í fyrsta skipti í 11 ár.

Á nýliðnu tímabili mistókst PSG að landa franska titlinum í fyrsta skipti í fjögur ár og þeir ætla sér því að styrkja hópinn fyrir komandi tímabil, en búist er við því að Sergio Ramos og Gianluigi Donnarumma gangi til félagsins á næstu dögum.