Áslaug Arna spurði Höllu Bergþóru hvort hún ætlaði að biðjast afsökunar Jakob Bjarnar skrifar 29. júní 2021 13:20 Halla Bergþóra greindi frá því á lokuðum fundi stjórnskipunar- og eftirlitsnefndar að dómsmálaráðherra hafi spurt lögreglustjóra hvort lögreglan ætlaði sér að biðjast afsökunar, þá væntanlega á því að hafa greint frá því að Bjarni Benediktsson hafi verið í Ásmundasal þar sem sóttvarnir voru brotnar. Vísir/Vilhelm Helga Vala Helgadóttir þingmaður Samfylkingar segir þetta sýna að sérhagmunir Sjálfstæðisflokksins blindi ráðherrum flokksins sýn hvað varðar almannahagsmuni. Í frægu símtali Áslaugar Örnu Sigurbjörnsdóttur dómsmálaráðherra á aðfangadag og Höllu Bergþóru Björnsdóttur lögreglustjóra eftir uppákomuna í Ásmundarsal, spurði dómsmálaráðherra lögreglustjóra hvort lögreglan ætlaði að biðjast afsökunar? Þetta kemur fram í frétt Ríkisútvarpsins en þær Áslaug Arna og Halla ræddu þar dagbókarfærslu lögreglunnar sem birtist á Facebook-síðu hennar þar sem greint var frá því að ráðherra í ríkisstjórninni hefði verið í gleðskap á sölusýningu í Ásmundarsal á Þorláksmessu. Sá ráðherra reyndist vera Bjarni Benediktsson, formaður Sjálfstæðisflokksins og fjármálaráðherra. Hasar á aðfangadegi Samkvæmt heimildum fréttastofu RÚV greindi Halla Bergþóra frá þessu á fundi stjórnskipunar- og eftirlitsnefndar í byrjun mars, en fundurinn var lokaður og trúnaður ríkti um það sem fram fór þar. Hvorki lögreglustjóri né dómsmálaráðherra hafa viljað tjá sig efnislega en fjallað hefur verið nokkuð um samskiptin. En Bjarni baðst síðar afsökunar á veru sinni í Ásmundarsal, hún hafi verið slysaleg. Áslaug Arna sagði á sínum tíma, í svari, að hún hafi hringt í Höllu til að spyrja um verklagsreglur um dagbókarfærslur lögreglu og persónuverndarsjónarmið. Hún hafi ekki gert athugasemdir við framkvæmd lögreglu í málinu. Þá hafi hún ekki rætt málið frekar við lögreglustjórann og ekki haft afskipti af rannsókninni. Fram hefur komið að um tvö símtöl milli þeirra tveggja að ræða. Í seinna samtalinu spurði ráðherra lögreglustjórann, samkvæmt heimildum RÚV, hvort það kæmi ekki afsökunarbeiðni frá embættinu vegna færslunnar, í ljósi þess að það hefði verið tilgreint sérstaklega að ráðherra hefði verið viðstaddur sem lá fyrir um hádegi á aðfangadegi. Óeðlileg afskipti framkvæmdavalds af lögreglu Helga Vala Helgadóttir segir allt við þetta mál kalla á aðskilnað réttarvörslukerfis og Sjálfstæðisflokks.Stöð 2/Einar Helga Vala Helgadóttir þingmaður Samfylkingar, var formaður stjórnskipunar- og eftirlitsnefndar fyrri hluta kjörtímabils en fór svo yfir í velferðarnefnd. Hún segir þetta óeðlileg afskipti framkvæmdavalds af lögreglu. „Það var ekkert slíkt hættustig á ferð sem kallaði á bein afskipti dómsmálaráðherra af einstaka máli, en það hafa einmitt verið einkunnarorð umrædds ráðherra í tíð hennar í embætti,“ segir Helga Vala í samtali við Vísi. „Það er beinlínis allt við þetta mál sem kallar á aðskilnað réttarvörslukerfis og Sjálfstæðisflokksins,“ bætir Helga Vala við: „Kallar á aðskilnað Sjálfstæðisflokks og réttarvörslukerfis, að meðtöldu dómskerfi. Þetta þarf að eiga sér stað því að þegar á reynir þá blinda sérhagsmunir Sjálfstæðisflokks ráðherra hans sýn á hagsmuni almennings um að eitt skuli yfir alla landsmenn ganga.“ Uppfært 14:55 Lögreglustjóri ætlar ekki að tjá sig frekar Vísir náði tali af lögreglustjóra og þar segir hún að líkt og fram hefur komið óskaði stjórnskipunar- og eftirlitsnefnd Alþingis eftir því að hún svaraði spurningum nefndarinnar um samskipti okkar dómsmálaráðherra þennan dag. „Ég kýs að virða trúnað sem ríkir um það sem kom fram efnislega og tel ekki rétt að fjalla nánar um efni þessara samskipti en ég hef þegar gert,“ segir Halla Bergþóra. Hún bendir á að hún hafi skýrt frá því að hún og ráðherra hafi á aðfangadegi átt tvö samtöl „og að þau hafi snúið að upplýsingagjöf lögregluembættisins vegna sóttvarnarbrotsins í Ásmundarsal. Ég vil árétta það sem áður hefur komið fram að ég taldi efni þessara samtala rúmast innan þeirra heimilda sem ráðherra hefur til upplýsingaöflunar frá forstöðumanni stofnunar sem undir hana heyrir og kveðið er á um í stjórnarráðslögum nr.115/2011. Það er enn fremur mitt mat að samskiptin hafi ekki falið í sér afskipti af rannsókn umrædds máls.“ Ráðherra í Ásmundarsal Alþingi Samkomubann á Íslandi Lögreglan Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Sá blóðugan mann hlaupa út og árásarmanninn á eftir honum Innlent Stytta þurfi sumarfrí barna um að lágmarki tvær vikur Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent Fleiri fréttir Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Sjá meira
Í frægu símtali Áslaugar Örnu Sigurbjörnsdóttur dómsmálaráðherra á aðfangadag og Höllu Bergþóru Björnsdóttur lögreglustjóra eftir uppákomuna í Ásmundarsal, spurði dómsmálaráðherra lögreglustjóra hvort lögreglan ætlaði að biðjast afsökunar? Þetta kemur fram í frétt Ríkisútvarpsins en þær Áslaug Arna og Halla ræddu þar dagbókarfærslu lögreglunnar sem birtist á Facebook-síðu hennar þar sem greint var frá því að ráðherra í ríkisstjórninni hefði verið í gleðskap á sölusýningu í Ásmundarsal á Þorláksmessu. Sá ráðherra reyndist vera Bjarni Benediktsson, formaður Sjálfstæðisflokksins og fjármálaráðherra. Hasar á aðfangadegi Samkvæmt heimildum fréttastofu RÚV greindi Halla Bergþóra frá þessu á fundi stjórnskipunar- og eftirlitsnefndar í byrjun mars, en fundurinn var lokaður og trúnaður ríkti um það sem fram fór þar. Hvorki lögreglustjóri né dómsmálaráðherra hafa viljað tjá sig efnislega en fjallað hefur verið nokkuð um samskiptin. En Bjarni baðst síðar afsökunar á veru sinni í Ásmundarsal, hún hafi verið slysaleg. Áslaug Arna sagði á sínum tíma, í svari, að hún hafi hringt í Höllu til að spyrja um verklagsreglur um dagbókarfærslur lögreglu og persónuverndarsjónarmið. Hún hafi ekki gert athugasemdir við framkvæmd lögreglu í málinu. Þá hafi hún ekki rætt málið frekar við lögreglustjórann og ekki haft afskipti af rannsókninni. Fram hefur komið að um tvö símtöl milli þeirra tveggja að ræða. Í seinna samtalinu spurði ráðherra lögreglustjórann, samkvæmt heimildum RÚV, hvort það kæmi ekki afsökunarbeiðni frá embættinu vegna færslunnar, í ljósi þess að það hefði verið tilgreint sérstaklega að ráðherra hefði verið viðstaddur sem lá fyrir um hádegi á aðfangadegi. Óeðlileg afskipti framkvæmdavalds af lögreglu Helga Vala Helgadóttir segir allt við þetta mál kalla á aðskilnað réttarvörslukerfis og Sjálfstæðisflokks.Stöð 2/Einar Helga Vala Helgadóttir þingmaður Samfylkingar, var formaður stjórnskipunar- og eftirlitsnefndar fyrri hluta kjörtímabils en fór svo yfir í velferðarnefnd. Hún segir þetta óeðlileg afskipti framkvæmdavalds af lögreglu. „Það var ekkert slíkt hættustig á ferð sem kallaði á bein afskipti dómsmálaráðherra af einstaka máli, en það hafa einmitt verið einkunnarorð umrædds ráðherra í tíð hennar í embætti,“ segir Helga Vala í samtali við Vísi. „Það er beinlínis allt við þetta mál sem kallar á aðskilnað réttarvörslukerfis og Sjálfstæðisflokksins,“ bætir Helga Vala við: „Kallar á aðskilnað Sjálfstæðisflokks og réttarvörslukerfis, að meðtöldu dómskerfi. Þetta þarf að eiga sér stað því að þegar á reynir þá blinda sérhagsmunir Sjálfstæðisflokks ráðherra hans sýn á hagsmuni almennings um að eitt skuli yfir alla landsmenn ganga.“ Uppfært 14:55 Lögreglustjóri ætlar ekki að tjá sig frekar Vísir náði tali af lögreglustjóra og þar segir hún að líkt og fram hefur komið óskaði stjórnskipunar- og eftirlitsnefnd Alþingis eftir því að hún svaraði spurningum nefndarinnar um samskipti okkar dómsmálaráðherra þennan dag. „Ég kýs að virða trúnað sem ríkir um það sem kom fram efnislega og tel ekki rétt að fjalla nánar um efni þessara samskipti en ég hef þegar gert,“ segir Halla Bergþóra. Hún bendir á að hún hafi skýrt frá því að hún og ráðherra hafi á aðfangadegi átt tvö samtöl „og að þau hafi snúið að upplýsingagjöf lögregluembættisins vegna sóttvarnarbrotsins í Ásmundarsal. Ég vil árétta það sem áður hefur komið fram að ég taldi efni þessara samtala rúmast innan þeirra heimilda sem ráðherra hefur til upplýsingaöflunar frá forstöðumanni stofnunar sem undir hana heyrir og kveðið er á um í stjórnarráðslögum nr.115/2011. Það er enn fremur mitt mat að samskiptin hafi ekki falið í sér afskipti af rannsókn umrædds máls.“
Ráðherra í Ásmundarsal Alþingi Samkomubann á Íslandi Lögreglan Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Sá blóðugan mann hlaupa út og árásarmanninn á eftir honum Innlent Stytta þurfi sumarfrí barna um að lágmarki tvær vikur Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Menningarráðherra skipaði son heilbrigðisráðherra í formannsstörf Innlent Fleiri fréttir Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Sjá meira