Kaffispjall, göngutúr eða út að borða á fyrsta stefnumóti

Ása Ninna Pétursdóttir skrifar 28. júní 2021 20:13

Hver ætli sé besti vettvangurinn til að hitta manneskju í fyrsta skipti á stefnumóti? Manneskju sem að þú þekkir jafnvel ekki neitt og hefur aldrei séð áður.

Með tilkomu samfélagsmiðla og stefnumótaforrita er meira um það að fólk, sem aldrei hefur hist, ákveði að hittast og sjá hvort að einhver neisti kvikni.

Áður fyrr kynntist fólk meira í gegnum sameiginlega vini, skóla eða vinnustaði en á síðustu árum hefur stefnumótamenningin þróast hratt.

Þetta hefðbundna stefnumót, að hittast úti að borða, er kannski ekki alltaf besta hugmyndin þegar fólk hefur aldrei hist áður og einungis spjallað stuttlega á netinu.

Í síðustu viku spurðu Makamál lesendur Vísis hvernig þeir sæju fyrir sér drauma fyrsta stefnumótið og tóku rúmlega þrettán hundruð manns þátt í könnuninni.

Flestir svöruðu því að göngutúr eða kaffispjall væri besti kosturinn á meðan aðeins 3% sögðust vilja fara á einhvern menningarviðburð eins og tónleika, bíó eða listasýningu.

**Niðurstöður*:**

Fara saman í göngutúr - 24%

Hittast í kaffi - 23%

Fara saman út að borða - 20%

Hittast í happy hour - 16%

Fara saman í keilu, pílu eða pool - 12%

Fara saman á einhvern viðburð (íþrótta, tónlistar eða menningar) - 2%

Fara saman í sund - 3%

Ertu búin að taka þátt í nýjustu Spurningu vikunnar?

*Tekið skal fram að niðurstöður byggjast eingöngu á svörum lesenda Vísis og því ekki hægt að alhæfa um niðurstöður. Kannanir Makamála eru ætlaðar til skemmtunar og til að vekja umræðu og athygli á ýmsum málefnum.

Spurning vikunnar Ástin og lífið