Ras­h­ford út­skýrir erfið­leikana undir stjórn Mourin­ho

Rashford og Mourinho unnu saman hjá Manchester United á tímanum 2016 tli 2018 en Mourinho náði ekki því besta út úr enska landsliðsmanninum. Að hluta til var það vegna taktík Mourinhos.

„Ég held að við spilum okkar besta leik þegar við erum hreyfanlegir og undir stjórn Jose var þetta dálítið læst,“ sagði Rashford í samtali við BT Sport.

„Og auðvitað getur það gengið vel en þetta var erfitt fyrir mig að spila upp á mitt besta þegar við spiluðum á þann hátt.“

Rashford og Mourinho náðu ekki svo vel saman en það komu hins vegar þrír titlar í hús; þar á meðal Evrópudeildartitilinn árið 2017.

Rashford hefur spilað vel á þessari leiktíð. Hann skoraði tíu mörk og lagði upp önnur ellefu í 34 úrvalsdeildarleikjum.

Manchester United mætir Leicester í kvöld og Liverpool á fimmtudaginn eftir að hafa unnið 3-1 sigur á Aston Villa í fyrrakvöld.