Skúli tekur við af Símoni sem dómstjóri

Frá þessu segir á vef dómstólsins, sen Skúli hefur starfað sem dómari við Héraðsdóm Reykjavíkur frá árinu 2004.

Fréttablaðið segir frá því að tveir dómarar hafi gefið kost á sér í stöðuna, Skúli og Lárentsínus Kristjánsson.

Dómarar við réttinn, alls 23, hafa atkvæðisrétt í kjöri dómstjóra, en kosningin er þó ekki bindandi þar sem lögum samkvæmt skipar Dómstólasýslan dómstjóra.

Í lögum um dómstóla segir að dómstjóri sé skipaður til fimm ára í senn. Auk þess að gegna dómstörfum hefur dómstjóri með höndum stjórn héraðsdómstóls og ber ábyrgð á starfsemi hans. Dómstjóri skiptir verkum milli dómara og annarra starfsmanna, hann getur skipt dómurum í deildir og úthlutar dómurum eða deildum þeirra málum. Þá kemur dómstjóri að öðru leyti fram út á við í þágu dómstólsins og er í fyrirsvari um sérstök málefni hans.