Reyndist vera með breska afbrigði veirunnar

Kolbeinn Tumi Daðason skrifar 19. mars 2021 11:20

Frá sýnatöku vegna kórónuveirunnar. Vísir/vilhelm

Kona sem greindist með kórónuveiruna utan sóttkvíar á miðvikudag er með breska afbrigði veirunnar. Þetta staðfestir Þórólfur Guðnason sóttvarnalæknir í samtali við Vísi. Rúmlega hundrað einstaklingar voru sendir í sóttkví í gær eftir að konan greindist.

Meðal þeirra voru yfir fimmtíu starfsmenn Landspítalans, sautján nemendur og einn kennari hjá Mími og 30-40 starfsmenn ION-hótela á Nesjavöllum. Konan er starfsmaður hótelsins og sótti starfsmannagleði hótelsins síðastliðinn sunnudag.

Eigandi hótelsins sagði í samtali við Vísi í gær að starfsmaðurinn væri einkennalítill og að engir samstarfsmenn hafi fundið fyrir einkennum.

Enginn greindist með kórónuveiruna innanlands í gær en 639 fóru í sýnatöku.

Fréttin hefur verið uppfærð.

Faraldur kórónuveiru (COVID-19)

Tengdar fréttir

Enginn greindist innanlands í gær

Enginn greindist með kórónuveiruna innanlands í gær. Fimm greindust á landamærum, allir í seinni landamæraskimun.

19. mars 2021 10:40

Ingó veðurguð í sóttkví eftir að hafa skemmt í starfsmannagleði

Tónlistarmaðurinn Ingólfur Þórarinsson, betur þekktur sem Ingó veðurguð, er á leið í sóttkví. Hann skemmti á starfsmannagleði ION hótela á sunnudag en einn starfsmaður sem sótti samkvæmið greindist með veiruna í gær.

18. mars 2021 18:12

Yfir hundrað í sóttkví vegna smitsins sem greindist í gær

Rúmlega hundrað einstaklingar hafa verið sendir í sóttkví í tengslum við kórónuveirusmitið sem greindist utan sóttkvíar í gær. Enn liggur ekki fyrir hvort um sé að ræða hið svokallaða breska afbrigði veirunnar en búist er við að raðgreiningu ljúki í kvöld.

18. mars 2021 17:27