Guðmundur og Guðlaug nýtt par

Smartland greinir frá þessu og segir nýtt ofurpar hafa litið dagsins ljós.

Guðmundur er í dag stjórnarformaður Icelandic Startups en hann hefur þróað vörur fyrir bæði Apple og Google. 

Þá er hann forstjóri og stofnandi Fractal 5 en um er að ræða íslenskt hugbúnaðarfyrirtæki sem á dögunum sótti þriggja milljóna dala fjármögnun til bandarísks fjárfestingasjóðs.

Guðlaug Kristbjörg er auk þess að vera forstjóri Stekks virk í stjórnarformennsku. Þannig er hún bæði stjórnarformaður Vírnets í Borgarnesi, Kviku eignastýringar og Securitas. 

Guðlaug var í viðtali í Harmageddon í apríl í fyrra þar sem hún fór um víðan völl. Um það leyti var hún að bjóða sig fram til formennsku hjá Samtökum iðanaðarins.

Bæði eiga börn úr fyrri samböndum.