Solskjær fékk aðstoð frá Keane og Giggs

Samkvæmt frétt The Athletic hefur Solskjær unnið hörðum höndum bak við tjöldin til að styrkja innviði félagsins og búa til fjölskyldustemmningu á æfingasvæðinu.

Hluti af því var að fá Keane og Giggs til að koma og ræða við yngri leikmenn United og miðla af reynslu sinni.

Solskjær hefur einnig gert breytingar á starfsliði United og ráðið sérfræðinga í tölfræði og gagnavinnslu til félagsins.

United hefur gengið vel að undanförnu og er í 2. sæti í ensku úrvalsdeildinni með jafn mörg stig og topplið Liverpool.

Næsti leikur United er gegn Manchester City á Old Trafford í undanúrslitum enska deildabikarsins á miðvikudaginn.