Trúlofunarhringurinn fannst fjórum mánuðum síðar á fótboltavelli í Bolungarvík Stefán Árni Pálsson skrifar 24. apríl 2020 14:29 Haukur með unnustu sinni Warapon Chanse í París árið 2017. Haukur Vagnsson greinir frá því á Facebook að um fjórum mánuðum eftir að hann spilaði ásamt bróður sínum Hrólfi Vagnssyni undir söng á trommu á áramótabrennu í Bolungarvík hafi trúlofunarhringur hans fundist. Brennan var haldin á nýárskvöld á fótboltavelli í Bolungarvík og hafði Haukur komið hringnum fyrir á nótnastandi á meðan hann lék á trommuna. Því næst fór af stað glæsileg flugeldasýning og stóð Haukur því upp til að mynda sýninguna. Þegar því var lokið var hringurinn horfinn. Það var síðan í gær þegar hringurinn loksins fannst. Hringarnir smíðaðir í Barhein „Frændi minn fann trúlofunarhringinn eftir fjóra mánuði undir snjó og ís. Spilað var á palli vöruflutningabíls sem venjulega er notaður til fiskflutninga en bifreiðinni hafði verið lagt á gamlan malarfótboltavöll í Bolungarvík rétt hjá brennunni. Cojan er settromma sem spilað er á berum höndum og því ekki gott að spila með hring á fingur,“ segir Haukur sem tók því trúlofunahringinn sinn af fingri og lagði á nótnastatíf fyrir framan sig en um var að ræða dýran gullhringur með tíu demöntum sem hann og frúin, Warapon Chanse létu smíða fyrir sig í Bahrein áður en þau trúlofuðust í París í mars 2017. „Strax að loknum söng og spili hófst glæsileg flugeldasýning Björgunarsveitarinnar í Bolungarvík sem ég vildi fylgjast með og taka upp á myndband og því fór ég af sviðinu strax að lokum síðast lags. Þegar ég sneri að sviðinu eftir sýninguna hafði duglegur umsjónarmaður hljóðkerfisins tekið saman nótnastatíf þar sem hringurinn hvíldi og var ég þakklátur fyrir það.“ Það var ekki fyrr en daginn eftir að Haukur áttar sig á því að hringurinn var ekki á fingrinum. Skollið var á blindhríð og vonskuveður og því engin leið að leita að hringnum. „Ég lét þó vita af þessu þannig að hægt væri að kíkja í flutningabílinn til að kanna hvort einhver hafi orðið hringsins vart. Svo var ekki, og ekki fannst hann í bílnum. Þegar ég þurfti svo að fara áleiðis suður hafði veðrið enn ekki batnað nóg til þess að hægt væri að leita. Síðar í janúar varð svo þokkalegt veður til leitar, en þá var kominn mikill ís undir snjólaginu og því líklegt að hringurinn væri mögulega frosinn undir ísnum,“ segir Haukur en söngvarinn í bandinu brá þá á það ráð að fá málmleitartæki til leitarinnar, og viti menn, það pípti. „Þá var barið í gegnum þykkan ís til að ná hringnum. Eftir mikla vinnu og þónokkurn tíma blasti við lítill málbútur en enginn hringur. Þetta var því kannski ekki að virka og hætt við frekari málmleit.“ Laugi reddaði málunum Eins og áður segir auglýsti Haukur á Facebook eftir aðstoð bæjarbúa sem ætti leið um, þar sem hann var mikið erlendis sjálfur. Hann fór þó nokkrum sinnum vestur og leitaði í öll skiptin án árangurs enda enn mikill ís á fótboltavellinum þar sem hringurinn átti að vera. Sumardaginn fyrsta, þá hringir síminn hjá Hauk. Frændi hans, Guðlaugur Sverrisson (Laugi) var í símanum til að bjóða gleðilegt sumar að því er Haukur hélt. „Nei, það var meira en það, hann hafði gleðifregnir að færa. Hann hafði í Covid ástandinu í Bolungarvík fundið mikla þörf á að komast undir hreint loft og fór upp á fótboltavöll þar sem nóg er plássið og ekki nokkur maður. Honum varð hugsað til frænda sem hafði týnt trúlofunahringnum sínum og því ákvað hann að taka gönguhring um völlinn. Hann fór að þeim stað sem flutningarbíllinn stóð og gekk hring um það svæði, nokkru frá þeim stað sem hann taldi bílinn hafa staðið. Hann leit niður og þarna var hringurinn beint fyrir neðan hann.“ Haukur fékk þessar gleðifréttir í gær og var heldur betur sáttur við frænda sinn. Bolungarvík Ástin og lífið Mest lesið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Fréttatía vikunnar: Play, fiskbúðingur og stjörnuskilnaður Lífið Flugfreyja, íþróttakona og ráðherra breyttu leiknum Lífið Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira
Haukur Vagnsson greinir frá því á Facebook að um fjórum mánuðum eftir að hann spilaði ásamt bróður sínum Hrólfi Vagnssyni undir söng á trommu á áramótabrennu í Bolungarvík hafi trúlofunarhringur hans fundist. Brennan var haldin á nýárskvöld á fótboltavelli í Bolungarvík og hafði Haukur komið hringnum fyrir á nótnastandi á meðan hann lék á trommuna. Því næst fór af stað glæsileg flugeldasýning og stóð Haukur því upp til að mynda sýninguna. Þegar því var lokið var hringurinn horfinn. Það var síðan í gær þegar hringurinn loksins fannst. Hringarnir smíðaðir í Barhein „Frændi minn fann trúlofunarhringinn eftir fjóra mánuði undir snjó og ís. Spilað var á palli vöruflutningabíls sem venjulega er notaður til fiskflutninga en bifreiðinni hafði verið lagt á gamlan malarfótboltavöll í Bolungarvík rétt hjá brennunni. Cojan er settromma sem spilað er á berum höndum og því ekki gott að spila með hring á fingur,“ segir Haukur sem tók því trúlofunahringinn sinn af fingri og lagði á nótnastatíf fyrir framan sig en um var að ræða dýran gullhringur með tíu demöntum sem hann og frúin, Warapon Chanse létu smíða fyrir sig í Bahrein áður en þau trúlofuðust í París í mars 2017. „Strax að loknum söng og spili hófst glæsileg flugeldasýning Björgunarsveitarinnar í Bolungarvík sem ég vildi fylgjast með og taka upp á myndband og því fór ég af sviðinu strax að lokum síðast lags. Þegar ég sneri að sviðinu eftir sýninguna hafði duglegur umsjónarmaður hljóðkerfisins tekið saman nótnastatíf þar sem hringurinn hvíldi og var ég þakklátur fyrir það.“ Það var ekki fyrr en daginn eftir að Haukur áttar sig á því að hringurinn var ekki á fingrinum. Skollið var á blindhríð og vonskuveður og því engin leið að leita að hringnum. „Ég lét þó vita af þessu þannig að hægt væri að kíkja í flutningabílinn til að kanna hvort einhver hafi orðið hringsins vart. Svo var ekki, og ekki fannst hann í bílnum. Þegar ég þurfti svo að fara áleiðis suður hafði veðrið enn ekki batnað nóg til þess að hægt væri að leita. Síðar í janúar varð svo þokkalegt veður til leitar, en þá var kominn mikill ís undir snjólaginu og því líklegt að hringurinn væri mögulega frosinn undir ísnum,“ segir Haukur en söngvarinn í bandinu brá þá á það ráð að fá málmleitartæki til leitarinnar, og viti menn, það pípti. „Þá var barið í gegnum þykkan ís til að ná hringnum. Eftir mikla vinnu og þónokkurn tíma blasti við lítill málbútur en enginn hringur. Þetta var því kannski ekki að virka og hætt við frekari málmleit.“ Laugi reddaði málunum Eins og áður segir auglýsti Haukur á Facebook eftir aðstoð bæjarbúa sem ætti leið um, þar sem hann var mikið erlendis sjálfur. Hann fór þó nokkrum sinnum vestur og leitaði í öll skiptin án árangurs enda enn mikill ís á fótboltavellinum þar sem hringurinn átti að vera. Sumardaginn fyrsta, þá hringir síminn hjá Hauk. Frændi hans, Guðlaugur Sverrisson (Laugi) var í símanum til að bjóða gleðilegt sumar að því er Haukur hélt. „Nei, það var meira en það, hann hafði gleðifregnir að færa. Hann hafði í Covid ástandinu í Bolungarvík fundið mikla þörf á að komast undir hreint loft og fór upp á fótboltavöll þar sem nóg er plássið og ekki nokkur maður. Honum varð hugsað til frænda sem hafði týnt trúlofunahringnum sínum og því ákvað hann að taka gönguhring um völlinn. Hann fór að þeim stað sem flutningarbíllinn stóð og gekk hring um það svæði, nokkru frá þeim stað sem hann taldi bílinn hafa staðið. Hann leit niður og þarna var hringurinn beint fyrir neðan hann.“ Haukur fékk þessar gleðifréttir í gær og var heldur betur sáttur við frænda sinn.
Bolungarvík Ástin og lífið Mest lesið Sat uppi með útgáfu af sjálfri sér sem hún kunni ekki við Lífið Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Skilin að borði og sæng eftir 28 ára hjónaband Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist Fréttatía vikunnar: Play, fiskbúðingur og stjörnuskilnaður Lífið Flugfreyja, íþróttakona og ráðherra breyttu leiknum Lífið Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira