Dagskráin í dag: Sportið í dag, Domino´s Körfuboltakvöld, pílumót og margt fleira

Runólfur Trausti Þórhallsson skrifar 24. apríl 2020 06:01

Domino´s körfuboltakvöld með Kjartani Atla og félögum hefur gjörbreytt allir umgjörð og umfjöllun um körfuboltaíþróttina á Íslandi.

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Domino's Körfuboltakvöld er uppgjörsþáttur Stöðvar 2 Sports um Domino's-deildir karla og kvenna í körfubolta og er á dagskrá öll föstudagskvöld. Upptökur af þættinum má nálgast á sjónvarpsvef Stöðvar 2. Domino's-deildin er hluti af Stöð 2 Sport Ísland.

Á Stöð 2 Sport má finna ansi myndarlega dagskrá í tilefni þess að sumarið er loks komið. Sportið í dag er á sínum stað klukkan 15:00 og þá er Domino´s Körfuboltakvöld klukkan 20:00. Eftir að því lýkur verður Pílumót Stöðvar 2.

Er það boðsmót á vegum Stöðvar 2 Sports þar sem 8 bestu og efnilegustu pílukösturum landsins keppa í sjónvarpssal. Í kvöld fara fram fjórðungsúrslit keppninnar.

Stöð 2 Sport 2

Körfubolti, yngri flokka mót í knattspyrnu og píla er meðal þess sem má finna á Stöð 2 Sport 2 í dag.

Útsending frá leik Tindastóls og KR í úrslitum Domino´s deildar karla frá árinu 2018 er fyrst á dagskrá. Síðan verða yngri flokka mót á borð við Arionmótið, Norðurálsmótið, N1 mótið og Símamótið skoðuð. Síðar um daginn verða svo sýndir leikir KR og Hauka í úrslitakeppni Domino´s deildarinnar frá 2016.

Stöð 2 Sport 3

Manstu eftir í umsjón Gumma Ben verður á dagskrá Stöð 2 Sport 3. Manstu er skemmtilegur spurningaleikur um enska boltann og fékk Gummi til sín skemmtilega gesti í sal.

Stöð 2 eSport

Útsending frá Reykjavíkurleikunum fyrr á þessu ári eru á dagskrá ásamt landsleik í eFótbolta og Lenovo-deildin er á sínum stað.

Stöð 2 Golf

Hápunktar Opna breska meistaramótsins í golfi frá 2015-2019 eru á dagskrá ásamt hápunktum PGA túrsins á síðasta ári.

Allar útsendingar dagsins má finna hér.

Körfubolti Íslenski körfuboltinn Pílukast Enski boltinn Spænski boltinn Rafíþróttir Dagskráin í dag