Farið yfir það helsta í Vodafone deildinni hingað til

Vodafone deildin í  leikjunum Counter Strike: Global Offensive og League of Legends hefur nú staðið yfir í fjórar vikur og þrjár vikur eftir af fyrsta tímabilinu. Því er tilefni til að renna yfir það helst sem hefur átt sér stað í Vodafone deildinni á þessum tíma.

Kristján Einar Kristjánsson, Tómas Jóhannsson og Halldór Már Kristmundsson, sérfræðingar Vodafone Deildarinnar, fá til sín góða gesti, ræða mál málanna og svara spurningum sem brenna á allra vörum.

Hvaða lið hefur komið á óvart? Hvaða lið hefur ekki verið að standa sig? Hvaða spilarar eru að skara framúr? Hver er mest spennandi leikur mótsins hingað til?

Eins og staðan er núna, þá eru TurboApes United í efsta sæti í LoL-deildinni og Fylkir í efsta sæti í CSGO. Nánar um stöðuna í deildunum má sjá hér (LoL) og hér (CSGO).

Eftir þrjár vikur, þegar deildarmeistararnir verða krýndir munu öll lið landsins fá tækifæri til að sanna að þau eigi heima með þeim bestu og er hægt að skrá þau í lokamótið.

Þátturinn hefst klukkan 17:45 á Stöð 2 eSport. Sömuleiðis má horfa á hann hér að neðan. Seinna í kvöld, eða klukkan átta, verður svo sýnd viðureign Kr.Black og Þórs í CSGO.