Michel Hidalgo er látinn 87 ára að aldri. Michel stýrði franska landsliðinu frá 1976 til 1984 og var meðal annars við stjórnvölinn er þeir unnu sinn fyrsta stóra titil, Evrópumótið 1984.
Ekkert lið hefur skorað fleiri mörk á einu EM eins og Frakkarnir gerðu þá en þeir skoruðu fjórtán mörk í leikjunum fimm í átt að titilinum. Þeir unnu 2-0 sigur á Spánverjum í úrslitaleiknum með mörkum Michel Platini og Bruno Bellone.
- Michel Hidalgo (87) has passed away. He led France to their first major trophy, EURO 1984. No team has ever scored more goals at a single EURO tournament than France's 14 goals in 5 matches that year. #MichelHidalgo
— Gracenote Live (@GracenoteLive) March 26, 2020
Hidalgo var áður aðstoðarþjálfari franska landsliðsins áður en hann tók við liðinu frá 1976 til 1984 eins og áður segir. Síðar varð hann tæknilegur ráðgjafi Frakka næstu fjögur árin eftir að hafa hætt sem þjálfari liðsins.
Eftir verkefni sín með franska landsliðinu varð hann yfirmaður knattspyrnumála hjá Marseille frá 1986 til 1991 en það var hans síðasta starf í fótboltanum.
Á knattspyrnuferli sínum lék hann með Le Havre, Reims og Mónakó. Hann á að baki einn landsleik fyrir Frakka.
RIP Michel Hidalgo: the architect of the great French team of the 1980s has died, at 87. https://t.co/Petwlc4F3j
— Angus MacKinnon (@AngusM1966) March 26, 2020