Özil líklega á leið til Fenerbache

Næsti áfangastaður er sagður vera Fenerbache í Tyrklandi. Özil er með 60 milljónir íslenskra króna í vikulaun hjá Arsenal en mun fá um 26 milljónir ef hann fer til Tyrklands. 

Það er óvíst hvort Özil muni spila með Arsenal seinni hluta þessa tímabils en það þykir líklegast að hann klári samning sinn hjá liðinu sama hvort hann spili fótbolta eða ekki.

Özil hefur verið hjá Arsenal í sjö ár og spilað yfir 250 leiki með liðinu en hann hefur ekki verið í náðinni hjá Mikel Arteta og er hvorki í leikmannahópi liðsins í ensku úrvalsdeildinni né Evrópudeildinni.