Jóhann Berg enn frá vegna meiðsla

Er þetta fjórði leikurinn í röð sem Jóhann Berg Missir af vegna meiðsla. Burnley er í vondum málum um þessar mundir en liðið situr í 18. sæti ensku úrvalsdeildarinnar með aðeins tíu stig.

Liðið á hins vegar tvo leiki til góða á nær öll lið liðin í kringum sig í töflunni sem vissulega hjálpar þó liðið sé ekki líklegt til að vinna mikið af sigrum um þessar mundir.

Jóhann Berg hefur aðeins náð að koma við sögu í fjórum af 13 leikjum Burnley í ensku úrvalsdeildinni á þessari leiktíð. Þá hefur hann leikið einn leik í enska deildarbikarnum. Alls hefur hann leikið 257 mínútur það sem af er leiktíð.