Jón Daði bjargaði stigi fyrir Millwall

Jón Daði hefur að mestu komið inn af varamannabekk Millwall á leiktíðinni og engin breyting var þar á í kvöld. Eftir markalausan fyrri hálfleik kom Ilias Chair gestunum yfir á 53. mínútu og rúmum tíu mínútum síðar var Jón Daði sendur á vettvang er Millwall reyndi að jafna metin.

Það gekk upp en Jón Daði jafnaði metin á 70. mínútu með góðu skoti eftir sendingu Jed Wallace. Staðan orðin 1-1 og reyndust það lokatölur leiksins.

Millwall er nú í 14. sæti með 21 stig eftir 17 umferðir.

Championship-deildin er á Stöð 2 Sport en upplýsingar um útsendingar má finna hér. EFL Championship er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.