Nýja Facebook útlitið fer misjafnlega í Íslendinga

Stefán Árni Pálsson skrifar 8. október 2020 13:32

Nýja útlitið á Facebook virðist ekki vera að slá í gegn.

Sumir hafa tekið eftir því að nýtt útlit er komið á Facebook hjá sumum og fer breytingin ekki vel í alla.

Egill Helgason sjónvarpsmaður er meðal þeirra sem hafa kvartað yfir nýju viðmóti. Ólafur Arnarson, fyrrverandi formaður Neytendasamtakanna, sömuleiðis.

Mikið skelfing er þetta nýja Facebook-viðmót óþægilegt og ruglingslegt. Í alvörunni.
Posted by Egill Helgason on Friday, September 18, 2020

Nýja Facebook sökkar feitt! Sammála Stefán Pálsson (þgf) um að þetta er eins og að vera kominn aftur í árdaga alnetsins...
Posted by Ólafur Arnarson on Wednesday, August 26, 2020

Fjölmiðlafólkið Kidda Svarfdal og Ágúst Borgþór Sverrisson hafa sömuleiðis tuðað yfir breytingunum.

Nýja Facebook útlitið hræðir mig!!
Posted by Kidda Svarfdal on Monday, September 7, 2020

Nýja Facebook leyfir manni ekki að ná í embed-kóða án þess að fara á námskeið sem tekur alla helgarvaktina. Breytingar breytinganna vegna.
Posted by Ágúst Borgþór Sverrisson on Saturday, August 29, 2020

Umræðan um þetta mál skapaðist í þættinum Brennslan á FM957 í gær. Ríkharð Óskar Guðnason, dagskrárstjóri FM957, var til að mynda ekkert sérstaklega sáttur.

„Hvern þarf að reka í höfuðstöðvum Facebook,“ sagði hann var reiður. „Þetta er mesta draslið og ég er að hugsa um að hætta á Facebook. Þetta er ógeðslega misheppnað.“

Hlustendur voru ekki lengi að hringja inn til að tjá sína skoðun.

„Ég veit ekki alveg með þetta. Mér finnst alveg geggjaður kostur að geta haft það svart. Ég er síðan stjórnandi í nokkrum hópum og þegar ég fer inn í hópinn er ég spurð fullt af spurningum og það er óþolandi og mikið En þetta tekur bara tíma,“ segir einn hlustandi.

„Ég þoli þetta ekki. Ég á mjög auðvelt með breytingar en þetta er bara eitthvað sem ég get ekki vanist,“ sagði annar hlustandi.

„Ég þoli þetta ekki og þetta er að gera mig geðveika. Ég kann ekkert á þetta.“

Facebook Brennslan Samfélagsmiðlar