Ríkisstjórnin kemur saman til fundar í ráðherrabústaðnum klukkan tvö í dag. Þórólfur Guðnason sóttvarnalæknir sendi heilbrigðisráðherra minnisblað með tillögum að aðgerðum vegna kórónuveirufaraldursins nú fyrir skömmu en 61 greindist með covid-19 síðasta sólarhringinn.
„Við verðum að grípa til harðari aðgerða ef við ætlum að stoppa þetta af,“ segir Þórólfur Guðnason sóttvarnalæknir í samtali við fréttastofu.
