Peugeot 2008 frumsýndur hjá Brimborg

Brimborg mun á dögunum 19.-28. mars næstkomandi frumsýna glænýjan Peugeot 2008 bæði í Reykjavík og á Akureyri.

Á Akureyri frumsýnir Brimborg einnig Peugeot e-208, 100% rafbíl sem kosinn var bíll ársins í Evrópu 2020. Þá verður Peugeot 3008 PHEV, fjórhjóladrifinn, 300 hestafla tengiltvinnjeppi einnig á staðnum bæði í Reykjavík og á Akureyri.

Peugeot 2008 SUV sem hefur verið endurhannaður frá grunni og verður í boði með nýjustu kynslóð af sparneytnum PureTech vélum með nýrri átta þrepa sjálfskiptingu og fimm ára ábyrgð.

Peugeot e-2008 sem er 100% hreinn rafbíll með 320 km drægni verður síðan frumsýndur í maí. Hægt er að tryggja sér eintak í forsölu í Vefsýningarsal Brimborgar á brimborg.is en forsalan hefur farið gríðarlega vel af stað.

Eins og aðrir nýir Peugeot bílar kemur nýr 2008 með nýjustu kynslóð af Peugeot 3D i-Cockpit innréttingu sem er fullkominn stafrænn heimur þar sem mælaborð og stjórntæki eru í sjónlínu ökumanns og bæta þannig akstursgæði.

Peugeot 2008 SUV er notendavænn og fjölhæfur með háa sætisstöðu svo það er einstaklega þægilegt að ganga um hann og hann er hár undir lægsta punkt. Hönnunin skapar einstaklega gott rými að innan fyrir alla fjölskylduna og mjög gott farangursrými.

Betri yfirsýn með MYPEUGEOT appinu

Einfalt er að vera með yfirsýn í snjallsímanum með MyPeugeot® appinu. Hægt er að skoða upplýsingar um bílinn þ.á.m. stöðu kílómetramælis, stöðu á þjónustu, lengd ferðar, sjá upphafs- og loka stað ásamt upphafs- og lokatíma og panta tíma á þjónustuverkstæði.