Gengur í strekkings­vestan­átt vegna lægðar á Græn­lands­sundi

Veðurstofan segir að það gangi í strekkingsvestanátt, átta til fimmtán metrum á sekúndu, fyrir hádegi vegna 987 millibara lægðar sem nú er stödd á Grænlandssundi. Él fylgja vestanáttinni og verða sum þeirra dimm með lélegu skyggni.

Spáð er að það verði úrkomulítið á austantil á landinu, en síðdegis verði vindur heldur suðlægari og megi þá einnig búast við éljum á Suðausturlandi. Frost verður víða á bilinu 1 til 6 stig, en frostlaust með suður- og vesturströndinni.

Sunnan og suðvestan átt á morgun og áfram éljagangur sunnan- og vestantil en lægir annað kvöld og kólnar. Á þriðjudag snýst í norðlæga átt með snjókomu eða éljum um norðanvert landið en léttir til syðra.

Á vef Vegagerðarinnar segir að það séu „ágætis vetraraðstæður“ eru í öllum landshlutum

Veðurhorfur á landinu næstu daga

Á mánudag: Sunnan og suðvestan 5-13 m/s og snjókoma með köflum, en skýjað og þurrt norðaustantil. Frost víða 0 til 5 stig, en frostlaust syðst.

Á þriðjudag: Hæg norðlæg eða breytileg átt og skýjað að mestu, en stöku él með austurströndinni. Norðaustan 8-15 m/s og snjókoma á Vestfjörðum. Frost 1 til 8 stig, kaldast inn til landsins.

Á miðvikudag og fimmtudag: Norðan- og norðaustanátt og él, lengst af léttskýjað sunnantil á lanidnu. Áfram talsvert frost um allt land.

Á föstudag og laugardag: Útilt fyrir norðlæga átt með snjókomu eða éljum norðantil á landinu, annars þurrt. Kalt í veðri.