Jarðskjálftahrina norður af Grindavík

Tveir skjálftar að stærð 3,7 hafa mælst í dag um fimm kílómetra norðnorðaustur af Grindavík.

Annar varð klukkan 13:52 og hinn klukkan 15:14 samkvæmt tilkynningu frá náttúruvársérfræðingi á Veðurstofu Íslands.

Skjálftarnir fundust á Reykjanesinu, Höfuðborgarsvæðinu og norður í Borgarnes.

Um 20 eftirskjálftar hafa mælst á svæðinu (þegar þetta er skrifað) þar af nokkrir yfir þremur stigum.

Tveir til þrír skjálftar af þessari stærð mælast árlega á Reykjanesskaganum. Jarðskjálftahrinan er enn í gangi.