Breytt fyrirkomulag varðandi tvö neðstu pörin í næsta þætti

Stefán Árni Pálsson skrifar 16. janúar 2020 14:30

Regína Ósk og Max Petrov og Manuela Ósk og Jón Eyþór voru í neðstu sætunum í síðustu viku. Þau hefði þurft að fara í danseinvígi ef þátturinn hefði verið á morgun.

Í næsta þætti af Allir geta dansað verður breyting á fyrirkomulagi keppninnar varðandi tvö neðstu pörin.

Það verður vissulega símakosning eins og vanalega en tvö neðstu pörin munu þurfa að taka danseinvígi sín á milli.

Því næst munu þau Selma Björnsdóttir, Karen Reeve og Jóhann Gunnar Arnarsson sem mynda dómnefndina ákveða hvaða par fer heim.

Þetta fyrirkomulag hefur alltaf legið fyrir að taka upp á þessu stigi en margir furðuðu sig á því að Regína Ósk og Max Petrov féllu úr leik í síðasta þætti. Dómnefndin og áhorfendur áttu í raun ekki til eitt aukatekið orð, en þau höfðu fengið frábæra umsögn frá dómnefndinni, en það dugði ekki til.

Allir geta dansað

Tengdar fréttir

Margir ósáttir eftir að Regína og Max voru send heim: „Hneyksli“

Söngkonan Regína Ósk var í gær send heim eftir símakosningu skemmtiþáttarins Allir geta dansað og lýkur þar með þátttöku Regínu og Max Petrov.

11. janúar 2020 14:42

Haffi Haff brotnaði niður þegar þau Sophie fengu fullkomna einkunn

Haffi Haff og Sophie dönsuðu Foxtrott við lagið Witchcraft með Frank Sinatra á föstudagskvöldið og slógu þau rækilega í gegn með dansinum.

13. janúar 2020 11:30

Hundlasin Manuela og Jón Eyþór fengu frábæra dóma

Manuela Ósk og Jón Eyþór dönsuðu Cha Cha við lögin Pata pata og Crazy in Love mixuð saman fyrir tæplega viku í beinni útsendingu á Stöð 2 í skemmtiþáttunum Allir geta dansað.

16. janúar 2020 12:30

Marta blá og marin eftir æfingar

Jón Viðar Arnþórsson og Marta Carrasco voru fyrsta parið á svið síðastliðið föstudagskvöld og dönsuðu þau Jive við lagið Gaggó vest með Eiríki Haukssyni. Jón Viðar var áður með Malín Öglu Kristjánsdóttur í teymi en hún er komin í leyfi þar sem hún er gengin yfir sex mánuði á leið.

15. janúar 2020 14:30