Framkvæmdastjóri Ferrari býst ekki við rafbíl fyrr en eftir árið 2025

Framkvæmdastjóri Ferrari, Louis Camilleri sagði í samtali við Reuters að fyrirtækið muni ekki framleiða sinn fyrsta rafbíl fyrr en í fyrsta lagi árið 2025.

Að sögn Camilleri þarf rafhlöðutæknin að ná meiri framförum ef hún á að henta Ferrari.

Eldri áætlanir ítalska framleiðandans gerðu ráð fyrir rafbíl snemma á 3 áratug 21. aldar, sumsé nú á næstu árum. Þessar áætlanir hafa breyst og frestun orðið ef marka má orð framkvæmdastjórans.

„Það eru veruleg vandamál sem þarf að leysa þegar kemur að bílum, sem snúa að hleðslutíma. Það mun koma að því að það verði rafbíll framleiddur af Ferrari en það er eftir 2025. Ekki í náinni framtíð,“ sagði Camilleri.

Ferrari hefur þó gefið út að vinna sé hafið við þróun og undirbúning rafbíls.

„Við erum að skoða ýmsar útfærslur aflgjafa og erum að reyna að átta okkur á hvað er skilvirkast og hvað hentar sýn okkar fyrir Ferrari bíla framtíðarinnar,“ bætti Camilleri við.

Það má því búast við raf-Ferrari á þessum áratug.