„Gaman að koma á staði sem við höfum ekki spilað á áður“

„Það er gríðarlega mikil tilhlökkun að fara af stað og spila tónlist fyrir fólk aftur. Það verður gaman að koma á staði sem við höfum ekki spilað á áður, og líka að heimsækja aftur þá sem við fórum á í fyrra,“ segir söngvarinn Valdimar Guðmundsson sem fer af stað um landið ásamt Erni Eldjárni í júní þar sem þeir munu heimsækja vel valda staði í öllum landshlutum.

Dagsskráin samanstendur af ljúfum tónum úr öllum áttum, þeirra uppáhaldslög í bland við aðrar tónlistarperlur. Það má með sanni segja að drengirnir hafi hreina unun af því koma fram saman og ávallt fengið einróma lof fyrir tónleika sína undanfarin ár.

„Það er fátt skemmtilegra en að keyra um landið og fá að spila tónlist á þessum frábæru stöðum og hitta frábært fólk. Við vonumst til að sjá sem flesta og lofum að þetta verður mikið stuð.“

Dagsskráin er eftirfarandi:

13. júní - Paddy´s Keflavík

14. júní - Röntgen Reykjavík

15. júní - Midgard Basecamp Hvolsvöllur

16. júní - Hafið Höfn

17. júní - Havarí Berufjörður

18. júní - Beituskúrinn Neskaupsstaður

19. júní - Gamli Baukur Húsavík

20. júní - Græni Hatturinn Akureyri

21. júní - Menningarhúsið Dalvík

22. júní - Grána Sauðárkrókur

23. júní - Vagninn Flateyri

25. júní - Skrímslasetrið Bíldudalur

26. júní - Flak Pareksfjörður FRÍTT INN