Turboapes og Tindastóll mætast í League of Legends

Síðasti leikur annarar viku Vodafone deildarinnar í League of Legends verður spilaður í dag. Gerist það með leik Turboapes United og Tindastóls en bæði liðin unnu leiki sína í síðustu viku.

Í viðtölum við önnur lið hefur verið áhugavert að heyra hvað þau hafa hátt álit á Tindastól. Þeir hafa komið inn af krafti og sýnt að þeir geta unnið mjög vel saman og það verður áhugavert að fylgjast með hvort þeir geti haldið sér í efstu sætunum.

Turboapes sitja á reynsluboltum en það vantar bara örlítinn aga í leikina hjá þeim til að þeir virkilega brilleri.

Útsending leiksins heft klukkan 16:30 og verður hægt að fylgjast með honum á Twitch og hér að neðan.