Síðasta vika Vodafone deildarinnar

Síðasta vika Vodafonedeildarinnar í League of Legends hefst í kvöld. Útlit er fyrir að hún verði jafn spennandi og hinar fyrri. Í kvöld klukkan átta spila KR LoL spila gegn Tindastóll #STÓLLINN.

KR sitja í fimmta sæti með 6 stig en Tindastóll í því þriðja með 8. Sigurinn í kvöld er mikilvægur fyrir bæði liðin þar sem það skiptir miklu máli að enda deildina í efstu fjóru sætunum því að þá ertu gulltryggður inn í sjálft meistaramótið og þarft ekki að spila í gegnum áskorendamótið á undan.

Við eigum því von á gríðarlega hörðum slag sem verður sýndur í beinni hér að neðan.

Hér að neðan má svo sjá viðureign Dusty Coolbets og Fylkis í CS:Go á Stöð 2 eSport.