Jóladagatal Vísis: Svona var FM95BLÖ kynntur til leiks fyrir átta árum

Þrettándi desember er runninn upp og ellefu dagar til jóla.

Vísir ætlar að gleðja lesendur sína með jóladagatali þar sem leitað verður í gullkistuna á sjónvarps- og útvarpsvefnum. Óhætt er að segja að þar sé hægt að gleyma sér við áhorf á gamalt og gott efni.

Hér að neðan má sjá eftirminnilegt tónlistarmyndband frá því í nóvember 2011 þegar Auðunn Blöndal hugðist fara í loftið með útvarpsþátt að nafni FM95Blö á FM957. Átta árum síðar er þátturinn einn sá allra vinsælasti í íslensku útvarpi en hann er einmitt á dagskrá FM957 klukkan 16 í dag.

Björn Bragi, Sveppi, Hjörvar Hafliðason og Egill Gillzenegger voru í aðalhlutverkum í myndbandinu en fjölmargir til viðbótar hafa verið í aðalhlutverki í þáttunum undanfarin ár. Myndbandinu var leikstýrt af Samúel Bjarka Péturssyni og Gunnari Páli Ólafssyni.

Auðunn Blöndal ræddi sögu FM95BLÖ í Einkalífinu í þessari viku en þátturinn var gefinn út í gær á Vísi.