Dijon vann óvæntan sigur á PSG

Dijon vann óvæntan, en mjög sterkan, sigur á Paris Saint-Germain í frönsku úrvalsdeildinni í fótbolta í kvöld.

Kylian Mbappe kom gestunum frá París yfir eftir sendingu Angel di Maria á 19. mínútu.

Heimamenn jöfnuðu metin í uppbótartíma fyrri hálfleiks, Mounir Chouiar gerði það. Strax á annarri mínútu seinni hálfleiks komst Dijon yfir með marki frá Jhonder Cadiz.

Meistararnir frá París reyndu hvað þeir gátu að finna jöfnunarmark en það kom ekki, lokatölur urðu 2-1 fyrir Dijon.

Rúnar Alex Rúnarsson var á bekknum hjá Dijon.

Dijon fer með sigrinum upp af botni deildarinnar og situr nú í 18. sæti með 12 stig. PSG er enn með öruggt forskot á toppi deildarinnar þrátt fyrir tapið.