Fótbolti

Inter og AC Milan vilja fá Smalling

Ingvi Þór Sæmundsson skrifar
Smalling og félagar í Roma unnu Napoli á laugardaginn, 2-1.
Smalling og félagar í Roma unnu Napoli á laugardaginn, 2-1. vísir/getty
Chris Smalling hefur leikið einkar vel með Roma síðan hann kom til liðsins á láni frá Manchester United.

Frammistaða Smallings hefur vakið mikla athygli og ítalskir fjölmiðlar greina frá því að Mílanó-liðin, Inter og AC Milan, vilji fá enska miðvörðinn í sínar raðir.

Smalling ku þó helst vilja spila áfram með Roma ef hann verður áfram á Ítalíu.

Talið er að United vilji fá um 17 milljónir fyrir hinn 29 ára Smalling. Ole Gunnar Solskjær, knattspyrnustjóri United, ákvað að lána Smalling eftir að Harry Maguire var keyptur á metverð.

Smalling hefur leikið sjö deildarleiki fyrir Roma og skorað eitt mark. Rómverjar eru í 3. sæti ítölsku úrvalsdeildarinnar með 22 stig.

Ítalski boltinn

Mest lesið


Fleiri fréttir

Sjá meira


×

Mest lesið