Björn Ingi og Kolfinna Von á meðal þúsunda á Jókernum

Rúmlega fjórtán þúsund manns komu sáu Joker á Íslandi um helgina, með forsýningum á fimmtudagskvöld.

Myndin halaði inn yfir 20 milljónir króna í miðasölu. Þetta er stærsta opnun á Warner Bros mynd á Íslandi, líkt og í 40 öðrum löndum en þetta kemur fram í tilkynningu frá Samfilm.

Myndin halaði inn 93,5 milljónum dollara í Bandaríkjunum og yfir 234 milljónir dollar á heimsvísu. Joaquin Phoenix fer með aðalhlutverkið í Joker og Hildur Guðnadóttir hefur fengið mikið lof fyrir tónlistina sem hún samdi fyrir verkið.

Á fimmtudaginn var sérstök hátíðarforsýning á Joker og mættu fjölmargir og voru augljóslega mjög spennt fyrir myndinni.