Formaður FH í stjórn með Ed Woodward, framkvæmdarstjóra Liverpool og forseta Barcelona

Viðar Halldórsson, formaður FH, var á dögunum endurkjörinn í stjórn ECA (e. European Club Association) en samtökin telja 232 lið.

Viðar hefur verið í stjórn ECA undanfarin ár en hann á nú einnig sæti í nefnd UEFA sem ber nafnið UEFA Club Competition Committee sem fer yfir mótamál og fleira í þeim dúr.

Það eru engir aukvisar með Viðari í stjórn ECA en þar má meðal annars finna forseta bæði Barcelona og PSG. Einnig eru menn á borð við Edwin van der Saar, Ed Woodward og Peter Moore.

Viðar Halldórsson formaður FH hefur verið endurkosinn í stjórn ECA. Þá mun hann vera fulltrúi ECA í UEFA Club Competition Committee sem er ein mikilvægasta nefnd UEFA í dag. https://t.co/sNfaCy2TdB

— FHingar (@fhingar) September 10, 2019

FH er ekki eina félagið frá Íslandi sem er í samtökunum því einnig eru KR, Valur og Stjarnan í samtökunum sem hafa góða rödd innan UEFA og FIFA.

Kosið er í stjórn til fjögurra ára og mun því Viðar sitja í stjórn, að minnsta kosti til ársins 2023, en hann hefur verið formaður FH um margra ára skeið.