Allir sex sem voru um borð í þyrlunni sem hrapaði fyrir utan Alta í norðurhluta Noregs í gær eru látnir. Reuters greinir frá.
Fyrstu fregnir frá slysinu í gær greindu frá því að fjórir hefðu látist, einn væri slasaður og eins saknað.
Þyrluferðin var farin í tengslum við tónlistarhátíðina Höstsprell sem fram fer á svæðinu þessa helgina, fimm hinna látnu voru norskir ríkisborgarar á þrítugsaldri en flugmaður þyrlunnar var sænskur.
Rekstraraðilar þyrlunnar hjá fyrirtækinu Helitrans sögðu í yfirlýsingu á vefsíðu sinni í gær að ótímabært væri að tjá sig um aðdraganda slyssins. Norsk yfirvöld hafa þó hafið rannsókn á málinu.
Að sögn vitna sást eldur og svartur reykur stíga upp handan fjallsins þar sem þyrlan hrapaði. Í kjölfarið hafi heyrst fimm eða sex litlar sprengingar. Þyrlan er sögð hafa flogið lágflugi yfir fjallstindinn stuttu áður en slysið átti sér stað.
Tveir til viðbótar látnir eftir þyrluslys í Noregi

Tengdar fréttir

Fjórir látnir og eins saknað eftir þyrluslys í Noregi
Tónlistarhátíðin Höstsprell fer fram á svæðinu um helgina og var bauð Helitrans, fyrirtækið sem rak þyrluna sem um ræðir, upp á þyrluflug fyrir hátíðargesti eins og fyrri ár