Fótbolti

Ramos á topp 10 yfir markahæstu leikmenn Spánverja

Arnar Geir Halldórsson skrifar
Ramos nýbúinn að leggja knöttinn í netið í gær
Ramos nýbúinn að leggja knöttinn í netið í gær vísir/getty
Spænski varnarmaðurinn Sergio Ramos var á skotskónum í gær þegar Spánn vann 1-2 sigur á Rúmeníu í undankeppni EM 2020 í gærkvöldi.

Ramos kom Spáni í 0-1 með marki úr vítaspyrnu en þetta var tuttugasta og fyrsta mark kappans fyrir spænska landsliðið.

Hann er þar með orðinn tíundi markahæsti leikmaður í sögu landsliðsins og gæti klifið ofar á þeim lista á næstunni þar sem næstu menn fyrir ofan eru með 22 (Julio Salinas) og 23 mörk (Alfredo Di Stefano).

Ramos er hins vegar ekki eini varnarmaðurinn á topp 10 listanum því Fernando Hierro gerði 29 mörk í þeim 89 landsleikjum sem hann lék á árunum 1989-2002. Markahæsti leikmaður Spánverja er David Villa með 59 mörk í 98 landsleikjum.

Þetta var landsleikur númer 166 hjá Ramos en hann mun fara upp að hlið Iker Casillas sem leikjahæsti leikmaður í sögu spænska landsliðsins, spili Ramos gegn Færeyjum næstkomandi sunnudag.

Spænski boltinn

Mest lesið


Fleiri fréttir

Sjá meira


×

Mest lesið