Meistari Hilarion líkamnast í Snorra Ásmundssyni listamanni Gunnþóra Gunnarsdóttir skrifar 8. september 2019 11:00 Snorri undirbýr sig andlega fyrir stórviðburðinn. Fréttablaðið/Ernir Snorri Ásmundsson býður til hugleiðslustundar í Egilshöll um helgina. Þar mun meistari Hilarion, heilari og prestur í musteri sannleikans, taka á móti gestum og leiða þá inn í víddir hugans. Jafnframt verður stofnfundur nýrrar jógahreyfingar sem nefnist Sana Ba Lana. „Það sem er að fara að gerast er mjög spennandi, ekki síst fyrir mig og meistara Hilarion. Hann var bara síðast í Páli postula en hefur annars lítið líkamnast eins og hann er að fara að gera núna í mér. Þetta er því stór viðburður,“ segir Snorri sem þekktur er fyrir að teygja sig út fyrir hefðbundið rými listarinnar. Snorri lýsir kynnum sínum og meistara Hilarion svo: „Mamma fékk mynd frá afa sem hékk alltaf uppi á kontór hjá honum. Hún var af manni. Henni fannst þetta hommaleg mynd, vissi ekkert um hana og tók því vel þegar ég spurði hvort ég mætti eiga hana. Ég hengdi myndina upp á vinnustofunni hjá mér og daginn eftir kom vinkona mín sem er bókmenntafræðingur í heimsókn. Hún gapti þegar hún sá myndina, sagðist hafa verið að horfa á hana í bók kvöldið áður. Vinkonan ljósritaði fyrir mig kaflann, þá kom í ljós að myndin er af meistara Hilarion sem var dýrlingur í musteri sannleikans á Atlantis. Í bók minni Beauty Swift Generation Revolution er frásögn af heimsókn minni, ásamt vinum, inn í alheimsvitund þar sem Master Hilarion tók á móti okkur. Nokkrum árum seinna kviknaði í vinnustofunni, ég vaknaði klukkan fjögur að næturlagi, eins og í draumi og allt var orðið fullt af reyk. Þá hafði meistari Hilarion vakið mig, það kom í blöðunum á sínum tíma, fyrirsögnin var Bjargað af engli.“ Snorri kveðst tengja æ betur við meistara Hilarion. „Ég hef áttað mig á því að í gegnum allt sem ég hef verið að gera í lífinu hef ég verið að undirbúa mig undir komu hans og að lána honum líkama minn. Það er það sem mun gerast í Egilshöll í dag, auk þess sem ný tegund af jóga verður kynnt, hún heitir Sana Ba Lana og er skyld Kundalini jóga og öðrum aðferðum, en mjög einföld þannig að allir geta tekið þátt.“ Viðburðurinn er hluti af sýningu Listasafns Reykjavíkur, Haustlaukar – Ný myndlist í almannarými, sem stendur yfir utan safnhúsanna í september. Myndlist Mest lesið Skúli hannaði hof fyrir Grímu Lífið Myndaveisla: Vestri fékk konunglegar móttökur á Ísafirði Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Níu ástæður fyrir því að stunda morgunkynlíf Lífið Bjargaði lífi systur sinnar ellefu ára gömul Lífið Segir sögur með timbri Lífið Geggjaðar gellur í gæsun Grímu Thorarensen Lífið Fleiri fréttir Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
Snorri Ásmundsson býður til hugleiðslustundar í Egilshöll um helgina. Þar mun meistari Hilarion, heilari og prestur í musteri sannleikans, taka á móti gestum og leiða þá inn í víddir hugans. Jafnframt verður stofnfundur nýrrar jógahreyfingar sem nefnist Sana Ba Lana. „Það sem er að fara að gerast er mjög spennandi, ekki síst fyrir mig og meistara Hilarion. Hann var bara síðast í Páli postula en hefur annars lítið líkamnast eins og hann er að fara að gera núna í mér. Þetta er því stór viðburður,“ segir Snorri sem þekktur er fyrir að teygja sig út fyrir hefðbundið rými listarinnar. Snorri lýsir kynnum sínum og meistara Hilarion svo: „Mamma fékk mynd frá afa sem hékk alltaf uppi á kontór hjá honum. Hún var af manni. Henni fannst þetta hommaleg mynd, vissi ekkert um hana og tók því vel þegar ég spurði hvort ég mætti eiga hana. Ég hengdi myndina upp á vinnustofunni hjá mér og daginn eftir kom vinkona mín sem er bókmenntafræðingur í heimsókn. Hún gapti þegar hún sá myndina, sagðist hafa verið að horfa á hana í bók kvöldið áður. Vinkonan ljósritaði fyrir mig kaflann, þá kom í ljós að myndin er af meistara Hilarion sem var dýrlingur í musteri sannleikans á Atlantis. Í bók minni Beauty Swift Generation Revolution er frásögn af heimsókn minni, ásamt vinum, inn í alheimsvitund þar sem Master Hilarion tók á móti okkur. Nokkrum árum seinna kviknaði í vinnustofunni, ég vaknaði klukkan fjögur að næturlagi, eins og í draumi og allt var orðið fullt af reyk. Þá hafði meistari Hilarion vakið mig, það kom í blöðunum á sínum tíma, fyrirsögnin var Bjargað af engli.“ Snorri kveðst tengja æ betur við meistara Hilarion. „Ég hef áttað mig á því að í gegnum allt sem ég hef verið að gera í lífinu hef ég verið að undirbúa mig undir komu hans og að lána honum líkama minn. Það er það sem mun gerast í Egilshöll í dag, auk þess sem ný tegund af jóga verður kynnt, hún heitir Sana Ba Lana og er skyld Kundalini jóga og öðrum aðferðum, en mjög einföld þannig að allir geta tekið þátt.“ Viðburðurinn er hluti af sýningu Listasafns Reykjavíkur, Haustlaukar – Ný myndlist í almannarými, sem stendur yfir utan safnhúsanna í september.
Myndlist Mest lesið Skúli hannaði hof fyrir Grímu Lífið Myndaveisla: Vestri fékk konunglegar móttökur á Ísafirði Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Níu ástæður fyrir því að stunda morgunkynlíf Lífið Bjargaði lífi systur sinnar ellefu ára gömul Lífið Segir sögur með timbri Lífið Geggjaðar gellur í gæsun Grímu Thorarensen Lífið Fleiri fréttir Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira