Lars Lagerbäck síðastur til að vinna Albana í Elbasan

Íslenska landsliðið er komið suður til Albaníu þar sem fram undan er leikur við heimamenn í undankeppni EM 2020.

Albanir spila ekki við Íslendinga í höfuðborginni Tirana heldur verður leikurinn spilaður í borginni Elbasan sem er þriðja stærsta borg landsins og í klukkutíma fjarlægð suður af Tirana.

Elbasan Arena leikvangurinn hefur reynst albanska landsliðinu vel upp á síðkastið en karlalandsliðið hefur ekki tapað á vellinum í rúma sautján mánuði eða síðan í lok mars 2018.

Það var einmitt enginn annar en Lars Lagerbäck, fyrrum þjálfari íslenska landsliðsins og núverandi þjálfari Norðmanna, sem stýrði landsliði síðast til sigur á Albönum á þessum velli.

Norðmenn unnu Albani 1-0 í vináttulandsleik 26. mars 2018 og var það varamaðurinn Sigurd Rosted sem skoraði ein mark leiksins tuttugu mínútum fyrir leikslok og það í sínum fyrsta landsleik.

Þetta mark Sigurd Rosted er líka það eina sem Albanir hafa fengið á sig á Elbasan Arena í síðustu sex landsleikjum sínum á vellinum.

Síðustu sex landsleikir Albaníu í Elbasan:

11. júní 2019: Sigur á Moldóvu (2-0) í

20. nóvember 2018: Sigur á Wales (1-0)

10. október 2018: Jafntefli við Jórdaníu (0-0)

7. september 2018: Sigur á Ísrael  (1-0)

26. mars 2018: Tap fyrir Noregi (0-1)

2. september 2017: Sigur á Liechtenstein (2-0)

Samtals: 4 sigrar í 6 leikjum, markatalan: +5 (6-1)