Gary framlengir við ÍBV og leikur með liðinu í Inkasso-deildinni

Gary Martin verður áfram í Vestmannaeyjum og spilar með ÍBV í Inkasso-deildinni á næstu leiktíð.

Englendingurinn hefur framlengt samning sinn við félagið en hann gekk í raðir félagsins um mitt sumar eftir að hafa komist að starfslokum við Val.

ÍBV er fimmta félagið sem Englendingurinn spilar með á Íslandi en áður hafði hann spilað með ÍA, KR, Víkingi Reykjavík og Val.

Við sama tilefni skrifaði markvörðurinn Halldór Páll Geirsson undir þriggja ára samning við Eyjamenn en markvörðurinn er uppalinn hjá félaginu.

ÍBV er fallið niður í Inkasso-deild karla.