Bjartviðri og allt að 20 stiga hiti í dag

Í dag verður fremur þungbúið fyrir norðan og austan og væta á köflum. Hiti yfirleitt 8 til 14 stig. Það er hins vegar bjartara og mun þurrara sunnan- og vestantil en áfram líkur á skúrum, einkum síðdegis. Þá gæti hiti farið upp undir 20 stig þar sem best lætur. Norðaustlæg átt ríkjandi næstu daga.

Í hugleiðingum veðurfræðings á vef Veðurstofu Íslands segir þó að talsvert flökt sé á spánum. Líkur séu á hvassviðri og ferðalangar beri að hafa það í huga.

„[…] og er það aðallega vindhraði sem spárnar eiga erfitt með að reikna rétt. Því er ágætt að hafa það í huga að ef verið er að ferðast með aftanívagna að margir hverjir þola ekki meir en 12-15 m/s áður en hætta fer að skapast, en þannig aðstæður geta myndast við fjöll og ber því að hafa varann á sér.“

Veðurhorfur á landinu næstu daga

Á fimmtudag:

Norðan 3-8 m/s og dálítil rigning NV til framan af degi, en annars hæg breytileg átt og skúrir á víð og dreif. Hiti 8 til 14 stig fyrir norðan, en allt að 18 stigum á Suðurlandi. 

Á föstudag:

Austan og norðaustan 5-13 m/s og víða rigning, en úrkomulítið vestast. Austlægari um kvöldið. Hiti 8 til 18 stig, hlýjast syðst. 

Á laugardag:

Suðaustlæg átt, 3-10 m/s og rigning í flestum landshlutum, en styttir upp NA-lands með morgninum. Hiti víða 10 til 18 stig, svalast við A-ströndina og á Ströndum. 

Á sunnudag:

Suðaustlæg átt og rigning með köflum SA-til, en annars úkomulítið. Hiti víða 13 til 18 stig. 

Á mánudag:

Suðlæg eða breytileg átt og væta í flestum landshlutum, en áframhaldandi hlýindi. Víða þurrt seinnipartinn. 

Á þriðjudag:

Útlit fyrir hlýja og yfirleitt þurra austlæga átt.