Thomsen borinn af velli í Eyjum

Jákup Thomsen, framherji FH, var borinn af velli í leik liðsins gegn ÍBV í Pepsi Max-deild karla í dag.

Á 31. mínútu slapp Thomsen inn fyrir vörn Eyjamanna, Diogo Coelho braut á honum og Erlendur Eiríksson dæmdi vítaspyrnu.

Thomsen lá eftir og virtist illa þjáður. Á endanum var hann borinn af velli og Jónatan Ingi Jónsson kom inn á í hans stað.

Steven Lennon tók spyrnuna og skoraði af öryggi. Staðan í hálfleik er 0-1, FH í vil.

Fylgjast má með leiknum í beinni útsendingu á Stöð 2 Sport. Þá er leikurinn í beinni textalýsingu á Vísi.