Föstudagsplaylisti Alviu

Einn fremsti rappari landsins, Alvia Islandia, smellti saman slagaralista dagsins.

Hún vinnur nú að sinni þriðju útgáfu, en árið 2016 sendi hún frá sér plötuna Bubblegum Bitch og ári síðar Elegant Hoe.

Innan mánaðar frumsýnir Alvia nýtt lag og myndband en verið er að leggja lokahönd á myndbandið. Lagið nefnist SnowBitch en það er fyrsti singúll frá Alviu í þó nokkurn tíma.

Á lagalistanum eru samankomnar allnokkrar af hörðustu kvenröppurum veraldar, með hvern bangerinn á fætur öðrum.

Nokkrir mælskir melir á borð við Wacka Flocka og Father fá þó að fylgja með.