Öskubuskuævintýri Madagaskar heldur áfram

Öskubuskuævintýri Madagaskar heldur áfram í Afríkukeppninni en liðið er komið í átta liða úrslit mótsins eftir sigur á Austur-Kóngó í vítaspyrnukeppni í dag.

Ibrahim Amada kom Madagaskar yfir en Cedric Bakambu jafnaði skömmu síðar. Faneva Andriatsima virtist vera tryggja Madagaskar sigurinn á 77. mínútu en flautumark Chancel Mbemba tryggði þeim framlengingu.

Madagascar are through to the last eight of the Africa Cup of Nations after beating DR Congo

More here   https://t.co/SiOV8nhNDgpic.twitter.com/M4k9AM0wGA

— BBC Sport (@BBCSport) July 7, 2019

Ekkert mark var skorað í framlengingunni og því þurfti að grípa til vítaspyrnukeppni. Þar skoruðu leikmenn Madagaskar úr öllum sínum spyrnum en Austur-Kongó brenndi af tveimur.

Madagaskar er því komið áfram í átta liða úrslitin en þar mæta þeir annað hvort Alsír eða Gíneu. Þetta er lang besti árangurinn í sögu Madagaskar en oftar en ekki hafa þeir ekki tekið þátt í keppninni.

Nú tóku þeir hins vegar slaginn og eru komnir í átta liða úrslitin. Þeir voru í 190. sæti FIFA-listans fyrir fimm árum.