Nýr sumarsmellur eftir tveggja ára vinnu

Komdu út er nýtt lag úr smiðju vinanna Baldurs Dýrfjörð og Róberts Andra Jóhannssonar sem gæti orðið að sumarsmelli. Þeir hafa verið vinir síðan í menntaskóla og unnið saman við lagasmíðar undanfarin tvö ár. Nú er fyrsta lag þeirra félaga komið út.

Baldur Dýrfjörð þekkja kannski einhverjir en hann sló í gegn í Ísland got Talent fyrir þremur árum þar sem hann sýndi hæfileika sína sem fiðluleikari.

Samhliða útgáfu lagsins hafa þeir félagar gefið út myndband en Sölvi Viggósson Dýrfjörð, bróðir Baldurs, var á meðal þeirra sem komu að gerð þess.

Lagið má heyra að ofan og hér að neðan má sjá frá Baldri í Ísland got Talent.

Hér má sjá atriði Baldurs í úrslitaþætti Ísland got talent.