Inter vann botnliðið

Inter vann tveggja marka sigur á Chievo í ítölsku Seria A deildinni í fótbolta í kvöld.

Matteo Politano skoraði fyrsta mark leiksins á 39. mínútu og Ivan Perisic bætti öðru marki við undir lok leiksins. Inter var manni fleiri síðasta korterið eftir að Nicola Rigoni fékk sitt annað gula spjald.

Bologna vann 4-1 sigur á Parma þar sem tvö af mörkum Bologna voru sjálfsmörk leikmanna Parma.

Þegar 36 af 38 umferðum eru leiknar er Inter í þriðja sæti með 66 stig, stigi meira en Atalanta, tíu stigum á eftir Napólí. Chievo er fallið með 15 stig, 21 stigi frá öruggu sæti.