Á jöklum með tökufólki Gunnþóra Gunnarsdóttir skrifar 15. maí 2019 08:15 Sólveig er þrautþjálfuð í vetrarferðamennsku og fylgist með jöklunum. Myndir/Guillaume Kollibay „Það var verið að taka upp einn þátt af fjórum sem fjalla um kvenkynsleiðtoga í náttúruvísindum hjá National Geographic og þann eina sem tekinn verður hér á landi. Þeir munu allir fjalla um vatn í einhverju formi,“ segir Sólveig Sveinbjörnsdóttir sem í liðinni viku þræddi ýmsa skriðjökla Austur-Skaftafellssýslu með kvikmyndaliði og vísindafólki. Hún og maður hennar, hinn franski Guillaume, hafa nýlega stofnað fyrirtækið Localicelander sem sérhæfir sig í jöklaferðum.Hér er komin upp á krosssprunginn BreiðamerkurjökulKvenkynsleiðtoginn sem þátturinn fjallar um er dr. M. Jackson, land- og jöklafræðingur, sem að sögn Sólveigar hefur verið mikið á Suðausturlandi við rannsóknir og meðal annars skoðað samband fólks og jökla. Hún gaf út bók á þessu ári sem nefnist The Secret Lives of glaciers, og er komin í íslenskar bókabúðir. „Við Guillaume vorum ekki bara leiðsögumenn heldur líka hluti af þættinum, því dr. M. hefur fylgst með okkur. En það er mikið að gerast í kringum okkur og breytingarnar eru örar. Dæmi um það eru við Svínafellsjökul sem nú er bannað að ferðast um vegna hættu á berghlaupi, því jökullinn veitir ekki sama stuðning við fjallið og áður,“ segir Sólveig. Þættirnir eru framleiddir af kanadíska fyrirtækinu Shertas Cinema. Það vinnur þá í samstarfi við National Geographic og Google. Sólveig segir nýja sýndarveruleikatækni hafa verið notaða við tökurnar. „Það var allt tekið upp í 360 gráðum, þannig að áhorfandinn fer í ferðalag um sjóndeildarhringinn með því að setja á sig sérstök gleraugu. Myndavélarnar eru viðkvæmari en gengur og gerist og þola ekki rigningu en við vorum ótrúlega heppin með veður. Við fórum víða um jöklana og sigldum um Fjallsárlón, vinnudagarnir voru langir, tólf til fimmtán tímar á sólarhring. Við vorum alltaf að segja tökumönnunum að það væri nóg eftir af deginum þegar þeir voru að líta á klukkuna!“Myndatökulið að störfum á Skálafellsjökli.Ekki kveðst Sólveig vita hvenær þátturinn verði á dagskrá. „Ég hef ekki fengið nákvæma tímasetningu en held að það verði einhvern tíma í haust. Hinir þrír verða teknir upp annars staðar í heiminum. Þar eru ýmis umfjöllunarefni. Ég held að ein vísindakonan sérhæfi sig í kóralrifum.“ Sólveig og Guillaume hafa verið saman í á fimmta ár. „Við byrjuðum með að verja vetrunum úti og skíða og ferðast um, bjuggum í húsbíl einn vetur, svo komum við heim á sumrin og unnum við leiðsögn. Nú höfum við okkar helstu atvinnu yfir vetrartímann hér. Við höfum aðallega sérhæft okkur í íshellaferðum fyrir ljósmyndara. Einnig getur fólk keypt kort á heimasíðunni localicelander.is með upplýsingum og hollráðum fyrir ferðamenn. Við erum að reyna að gera ferðir um Ísland öruggari fyrir fólk sem ferðast á eigin vegum. Það getur líka haft samband við okkur meðan á ferðalaginu stendur. Við erum mjög virk á Instagram undir merkinu localicelander. Birtist í Fréttablaðinu Hornafjörður Loftslagsmál Menning Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið Hætti að þurfa að ryksuga upp hárin eftir hverja sturtu Lífið samstarf Eldgos og elskhugar á frumsýningu Eldanna Lífið Yfir sig ástfangin og býr bæði á Spáni og Íslandi Lífið Fleiri fréttir Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira
„Það var verið að taka upp einn þátt af fjórum sem fjalla um kvenkynsleiðtoga í náttúruvísindum hjá National Geographic og þann eina sem tekinn verður hér á landi. Þeir munu allir fjalla um vatn í einhverju formi,“ segir Sólveig Sveinbjörnsdóttir sem í liðinni viku þræddi ýmsa skriðjökla Austur-Skaftafellssýslu með kvikmyndaliði og vísindafólki. Hún og maður hennar, hinn franski Guillaume, hafa nýlega stofnað fyrirtækið Localicelander sem sérhæfir sig í jöklaferðum.Hér er komin upp á krosssprunginn BreiðamerkurjökulKvenkynsleiðtoginn sem þátturinn fjallar um er dr. M. Jackson, land- og jöklafræðingur, sem að sögn Sólveigar hefur verið mikið á Suðausturlandi við rannsóknir og meðal annars skoðað samband fólks og jökla. Hún gaf út bók á þessu ári sem nefnist The Secret Lives of glaciers, og er komin í íslenskar bókabúðir. „Við Guillaume vorum ekki bara leiðsögumenn heldur líka hluti af þættinum, því dr. M. hefur fylgst með okkur. En það er mikið að gerast í kringum okkur og breytingarnar eru örar. Dæmi um það eru við Svínafellsjökul sem nú er bannað að ferðast um vegna hættu á berghlaupi, því jökullinn veitir ekki sama stuðning við fjallið og áður,“ segir Sólveig. Þættirnir eru framleiddir af kanadíska fyrirtækinu Shertas Cinema. Það vinnur þá í samstarfi við National Geographic og Google. Sólveig segir nýja sýndarveruleikatækni hafa verið notaða við tökurnar. „Það var allt tekið upp í 360 gráðum, þannig að áhorfandinn fer í ferðalag um sjóndeildarhringinn með því að setja á sig sérstök gleraugu. Myndavélarnar eru viðkvæmari en gengur og gerist og þola ekki rigningu en við vorum ótrúlega heppin með veður. Við fórum víða um jöklana og sigldum um Fjallsárlón, vinnudagarnir voru langir, tólf til fimmtán tímar á sólarhring. Við vorum alltaf að segja tökumönnunum að það væri nóg eftir af deginum þegar þeir voru að líta á klukkuna!“Myndatökulið að störfum á Skálafellsjökli.Ekki kveðst Sólveig vita hvenær þátturinn verði á dagskrá. „Ég hef ekki fengið nákvæma tímasetningu en held að það verði einhvern tíma í haust. Hinir þrír verða teknir upp annars staðar í heiminum. Þar eru ýmis umfjöllunarefni. Ég held að ein vísindakonan sérhæfi sig í kóralrifum.“ Sólveig og Guillaume hafa verið saman í á fimmta ár. „Við byrjuðum með að verja vetrunum úti og skíða og ferðast um, bjuggum í húsbíl einn vetur, svo komum við heim á sumrin og unnum við leiðsögn. Nú höfum við okkar helstu atvinnu yfir vetrartímann hér. Við höfum aðallega sérhæft okkur í íshellaferðum fyrir ljósmyndara. Einnig getur fólk keypt kort á heimasíðunni localicelander.is með upplýsingum og hollráðum fyrir ferðamenn. Við erum að reyna að gera ferðir um Ísland öruggari fyrir fólk sem ferðast á eigin vegum. Það getur líka haft samband við okkur meðan á ferðalaginu stendur. Við erum mjög virk á Instagram undir merkinu localicelander.
Birtist í Fréttablaðinu Hornafjörður Loftslagsmál Menning Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið Hætti að þurfa að ryksuga upp hárin eftir hverja sturtu Lífið samstarf Eldgos og elskhugar á frumsýningu Eldanna Lífið Yfir sig ástfangin og býr bæði á Spáni og Íslandi Lífið Fleiri fréttir Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira