Fjöl­braða­glímu­kappinn og Survi­vor-þátt­takandinn Ashley Massaro látin

Bandaríski fjölbraðaglímukappinn og Survivor-þátttakandinn Ashley Massaro er látin, 39 ára að aldri. Hún lést á sjúkrahúsi á Long Island í New York ríki.

Á ferli sínum starfaði Massaro meðal annars sem fyrirsæta og keppti í fjölbragðaglímu (WWE) á árunum 2005 til 2008. Lögregla í Suffolk-sýslu segir að ekkert saknæmt hafi átt sér stað í tenglum við dauða Massaro.

Massaro tók tvívegis þátt í Wrestlemania-keppnunum og hafa fjöldi fólks úr heimi fjölbragðaglímu minnst Massaro á samfélagsmiðlum.

Í frétt BBC segir að Massaro, sem sat á ferli sínum fyrir hjá karlatímaritinu Playboy, láti eftir sig átján ára dóttur.

Massaro tók einnig þátt í fimmtándu þáttaröð raunveruleikaþáttarins Survivor, Survivor: China, þar sem hún var rekin út í öðrum þætti þáttaraðarinnar.

This is just awful news - Ashley Massaro is gone. She was only 39. She lived in the same town as me...I loved seeing her around. She was always so nice...and now she’s gone. #RIPAshleyMassaropic.twitter.com/wOUY4gsTQo

— Mick Foley (@RealMickFoley) May 17, 2019

Ashley Massaro Thank you for the memories.

— Bayley (@itsBayleyWWE) May 17, 2019