Annað árið í röð dugar það ekki Selfossliðinu að vinna flestu leikina

Deildarkeppni Olís deildar karla í handbolta lauk um helgina og eins og í fyrra þá voru Selfyssingar jafngrátlega nálægt því að vinna sinn fyrsta deildarmeistaratitil.

Ekkert félag hefur fengið fleiri stig eða unnið fleiri leik en Selfoss í deildarkeppninni undanfarin tvö ár. Hvorugt tímabilið tókst Selfossliðinu hins vegar að vinna deildarmeistaratitilinn.

Selfoss fékk jafnmörg stig og ÍBV í fyrra en datt niður í annað sætið á innbyrðisviðureignum.

Í ár fékk Selfossliðið jafnmörg stig og Haukar en Haukarnir unnu báða leiki liðanna og fengu þess vegna deildarmeistaratitilinn.

Hér fyrir neðan má sjá lista yfir flesta sigurleiki í síðustu tveimur deildarkeppnum karlanna.



Flestir sigurleikir á tímabilum í Olís deildinni síðan að Patrekur Jóhannesson tók við Selfossliðinu:

2017-18

17 - Selfoss (2. sæti)

16 - ÍBV (1. sæti)

16 - FH (3. sæti)

15 - Valur (4. sæti)

14 - Haukar (5. sæti)

11 - Afturelding (6. sæti)

2018-19

16 - Selfoss (2. sæti)

15 - Haukar (1. sæti)

15 - Valur (3. sæti)

11 - FH (4. sæti)

10 - ÍBV (5. sæti)

9 - Afturelding (6. sæti)

Flestir sigurleikir samtals 2017/18-2018/19

33 - Selfoss

30 - Valur

29 - Haukar

27 - FH

26 - ÍBV

20 - Afturelding