Sjö kjörin í stjórn VR

Nýir stjórnarmenn VR voru kjörnir í allsherjaratkvæðagreiðslu sem hófst þann 11. mars síðastliðinn. Atkvæðagreiðslunni lauk klukkan 12 á hádegi í dag.

Á kjörskrá voru alls 35.614, þar af greiddu 2806 atkvæði og var kosningaþátttaka því 7,88%.

Þrettán voru í framboði til stjórnar en sjö sæti eru í stjórn VR. Stjórnin er samkvæmt fléttulista og er hún kjörin til tveggja ára í senn.

Eftirtaldir eru í nýrri stjórn VR:

Svanhildur Ólöf Þórsteinsdóttir

Ólafur Reimar Gunnarsson

Selma Árnadóttir

Sigurður Sigfússon

Harpa Sævarsdóttir

Björn Kristjánsson

Helga Ingólfsdóttir

Þá voru þrír varamenn kjörnir til eins árs og voru það þau Þorvarður Bergmann Kjartansson, Anna Þóra Ísafold og Sigmundur Halldórsson.