Khedira með óreglulegan hjartslátt og spilar ekki í kvöld

Juventus verður án miðjumannsins Sami Khedira í kvöld er liðið mætir Atletico Madrid í Meistaradeildinni.

Khedira hefur verið greindu með óreglulegan hjartslátt. Það ástand þarf að taka alvarlega og Juventus gerir það að sjálfsögðu.

Hinn 31 árs gamli Khedira hefur aðeins náð að spila 15 leiki í vetur vegna meiðsla og nú er óljóst hvort hann hreinlega spili meira fyrir félagið í vetur.

Khedira kom til Juventus frá Real Madrid árið 2015. Hann lék í fimm ár með Real en var þar áður í herbúðum Stuttgart í Þýskalandi. Hann hefur einnig leikið 77 leiki fyrir þýska landsliðið.

Leikur Atletico og Juventus hefst klukkan 20.00 í kvöld og er í beinni á Stöð 2 Sport.