Tvö mörk hjá Kjartani í fyrstu þremur leikjunum

Kjartan Henry Finnbogason skoraði annað mark sitt í þremur leikjum er Vejle tapaði 3-1 fyrir Nordsjælland á heimavelli í dag.

Kjartan gekk í raðir danska úrvalsdeildarliðsins í janúar og skoraði í fyrsta leiknum sem hann spilaði fyrir félagið er hann skoraði í 2-0 sigri á SönderjyskE.

Hann byrjaði hins vegar á bekknum í dag eftir 1-0 tap Vejle gegn OB í síðustu umferð en Godsway Donyoh og Andreas Olsen komu Nordsjælland í 3-0 á fyrsta klukkutímanum.

Kjartani var skipt inn á í hálfleik en hann náði að minnka muninn í uppbótartímanum og er því kominn með tvö mörk í fyrstu þremur leikjunum fyrir Vejle.

Nýliðarnir eru í harðri botnbaráttu. Þeir eru í næst neðsta sæti deildarinnar með þrettán stig en þrír leikir eru eftir af deildarkeppninni áður en farið er í umspil.

90+4. 1-3 Kjartan Finnbogason. (1-3) #VejleB#sldk#VBFCN

— Vejle Boldklub (@Vejle_B) February 23, 2019