Obi Mikel mættur aftur í enska boltann

Miðjumaðurinn John Obi Mikel, fyrrum leikmaður Chelsea, er kominn aftur í enska boltann en hann hefur samið við Middlesbrough.

Samningur Obi Mikel við félagið er til loka tímabilsins. Hann kemur til Boto frá Tianjin Teda í Kína þar sem hann hefur verið að safna peningum.

Obi Mikel er enn aðeins 31 árs gamall. Hann spilaði 249 leiki fyrir Chelsea á ellefu árum og var í liði félagsins sem vann Meistaradeildina árið 2012. Hann vann ensku deildina tvisvar með Chelsea, enska bikarinn þrisvar og Evrópudeildina einu sinni.

Mikel hefur þess utan spilað 85 landsleiki fyrir Nígeríu.